المصارعة المراهقة _قلوب أرهقها العشق_

part 45

داز الليل عشق طاحت كومة و قيس كايجي يطل عليها مرة مرة

فاقت فالصباح على لمسات شي حد

عشق :( حطات المخدة على وجهها ) بعد مني اقيس خليني نعس

عايدة ( الام ) هههه هادي ماماك الحمقة

عشق :( حيدات المخدة وحلات عينيها او عنقاتها )

عايدة : جيتي او ماسلمتيش عليا حشومة عليكي

عشق : حماقيتي الواليدة بغيتيني نقطع للواليد الخدمة ديالو انا مامسخوطاش

عايدة :( ضرباتها لراسها ) كوني تحشمي اعشق

عشق : علاش غانحشم او داك شي لي قراونا فالمدرسة مابغيتوش ايضيع

عايدة ( ضحات او تفكرات لقرايا ) عشق الموصيبة القرايا نسيتيها

عشق :اش غاندير بيها بالسلامة انا صافي حددت مستقبلي

عايدة : عشق انا من النهار اللول تافقت معاكي قرايتكي فوق كولشي اما الملاكمة غاتبعدي منها صافي كل مرة كاديري شي نزال قلبي كايبغي اوقف عندي غا نتي فهاد الدنيا

عشق : او الواليد فين خليتيه

دخل سليم

سليم : هاني جيت سمعتكم كاتهضروا عليا

عشق :( ناضت عنقاتو ) سول مراتك تجاوبك

سليم :( شاف شي حاجة خارجة من شعرها فزرق حيد ليها القب او بدا كايضحك ) كنت عارفك غاتكوني درتي شي حاجة فهاد سيمانة

عايدة ( ناضت ضربات حناكها ) ويلي على البرهوشة بقيتي تا درتيها

سليم :( عاود عنق عشق ) بنتي مابرهوشاش وهي حرة فحياتها و فشعرها و انا تايق فيها راه مافيها والو الى عاشت حياتها

عايدة : اه ماقلتي عيب ولكن تعيش حياتها تخرج ضور تشوف بلايص خرين ماشي تصبغ شعرها لي كان كي الذهب

عشق : وا عايدة راه جاوبكي الواليد ( شافت فباباها او غمزاتو ) العز ليك

عايدة : ( تمات خارجة ) تجمعتوا عليا انا شي نهار طرطقوا ليا المرارة

سليم :( تبعها )

عشق :( كاضحك ) سير تبعها سير لا تصدق غاضبة عليك

دخلات قدات امورها خرجات لقات دنيا و مجدة كايتسناوها

عشق : لبنات اش واقع

مجدة / دنيا : والو

عشق : اه مزيان

مجدة ( جبدات شي شورطات وحوايج ) البنات اليوم بغيت نخرجوا نعوموا فلابيسين هاكم لبسوا هادوا

عشق و دنيا شاوفوا فبعضياتهم

عشق / دنيا : علاش لا يالاه