المصارعة المراهقة _قلوب أرهقها العشق_

part 57

نرجعوا للعرس لي تدار فلندن مدينة الأحلام بأحد أكبر و أشهر القصور التاريخية حفل ضخم حضروه ابرز و اشهر الشخصيات من رجال الاعمال و عارضي الازياء و المصممين و الممثلين غير الناس دالطبقة البرجوازية

عشق كانت فبيت من بيوت القصر تما فين دارت آخر اللمسات على المظهر ديالها كانوا حاضرين اهم و أحسن المايكاب أغتيست فالعالم خصيصا باش إشهدوا هاد العرس الأسطوري كيما سماوه أي حاجة كاتخص قيصر الشافعي كاتكون مميزة و سبيسيال فما بالك العرس ديالو كي غايكون

عشق لبسات ديك الكسوة وجابوا ليها الطالون ديالها

عشق : لا لا سيروا ردوه مستحيل نعاود نلبس هاد العجب

المساعدة : ولكن أآنسة الطالون مهم للمظهر ديالك

عشق : واش منيتكي راه الكسوة غاتغطي القاعة كلها فين غايبان واش لابسة سبرديلة و لا طالون

المساعدة : راه الصحافة و الحضور غايدققوا فأبسط التفاصيل د الإطلالة ديالكي نتي و قيصر

عشق :( خرجات فيها عينيها ) شتكي كاتقولي قيصر حافية بحالا كاتعرفيه جمعي راسكي

المساعدة : سمحي ليا ألالة

نرجعوا عند قيصر لي ختم آخر لمسات ديالو بالعطر ديالو الخاص لي كايحمل الاسم ديالو عطر تصنع خصيصا ليه لأهم رجل اعمال فالقارة الأوروبية

عطر كايميزوا يمكن ليك تشمو ونتا على بعد مسافة كبيرة

نفس هاد العطر تصاوب ولكن هاد المرة تصاوب على قبل الزوجة ديالو نفس الريحة ولكن بنوع آخر نوع كاتشم فيه ريحة الأنوثة الممزوجة بالصلابة و القوة

رش الريحة ديالو شاف آخر شوفة فالمراية عاود طلع شعرو

خرج او مشى ركب فاللوطو ديالو مشى للقصر نزل او حل ليه الباب الشيفور مع حط رجليه الصحافة تجمعوا عليه الاضواء في كل بلاصة عدسات الكاميرات كاتصور فيه

نزل او تمشى من بلاصة بحال السجادة الحمراء كولشي متشوق ايعرف شكون هادي لي غايتزوج بيها هادو من اهم الاشياء لي شاغلة الصحافة فهاد الوقت شكون هادي لي خذات القلب ديال أوسم رجل فاوروبا

دخل او مشى و التهاني كاتلاح عليه من كل جهة لقى نظرة كي سريعة كي الصقر كايتفحص واش كولشي فبلاصتو شاف فالساعة ديالو لقاه وقت نزول الأميرة ديالو

كان عاطي للدروج بظهرو لقى كولشي فتح فمو او كايقول ما شاء الله الأغلبية كايعرفوها اما البقية يا اما سمع بيها او لا ماكايعرفهاش

طفاوا الاضواء وبقاوا جوج اضواء موجهين لعشق و قيصر

عشق لي كانوا هازين ليها الكسوة من اللور اما هي فنازلة بكل ثقة و جبروت هدفها واحد هو قيصر كانت حاضياه بحالا فريسة ديالها بقات مبتاسمة ليه