المصارعة المراهقة _قلوب أرهقها العشق_

part 47

دخل تا بدر كل واحد مشى لبيتو او كل واحد هاز فقلبو اتجاه شي حد شي شعور كاين لي بغى ينتاقم و كاين لي بغى يرجع ليه حبو و كاين لي الكبرياء ديالو مايخليهش ايعتارف او نساوا بلي فالحب ماكاينش كبرياء

بدر كان طالع فالانستغرام تا داز على الكونط د غسان لقاه لايح تصويرتو هو مجدة او كاتب قريبا 💍💍او باين عليهم الفرح يجوج ضرب التيليفون مع الأرض او ناض سمع شي ضحكات قدام بيتو خرج لقى غسان او مجدة كايضحكوا او هو باغي يهزها ولكن هي كاتهرب منو

غسان :( وقف رجع شعرو اللور ) مجدة وقفي وابغيت غانهضر معاك

مجدة :( كاتخرج ليه لسانها ) اوى الى بغيتيني شدني

ضارت فاش حسات بأنفاس بدر لي واخة بعيد منها حسات بيه بقات كاتشوف فيه

بدر :( مشى عندهم ) هاد التبرهيش ماشي وقتو دابة

مجدة :( كاتعيبو ) بلا بلا بلا

غسان : ( طلعو او نزلو ) او نتا مالك فينا ياك ماتيقتي راسك دغيا عشتي الدور

بدر :( شد غسان من الكول ديالو ) فممك غانهرسو ليك غير جيتي فوجه مراتك المستقبلية

مجدة :( كاتبعد ليه ايدو او كاتغوت ) طلقق منوو طلق

بدر :( كايضحك ) باغة تزوجي واحد ماكايقدر تا يدافع على راسو نهار الدخلة غانجي انا نح... بجوج

مجدة سكتات اما غسان وصل لحدو فالصبر عطى لبدر بواحد الروسية تا داز ليه دم من نيفو

مجدة : غسسان عافاك لا عافاك

بدر : :( ضحك او جمع معاك بكروشي ) هاك ا ز...

او بداوا كايضاربوا تا وصلوا لحدا الدروج بونيا فيا بونيا فيك مجدة مشات حدا الحافة كاتحبس فيهم خافت لا يصدق شي حد طايح العائلة فاش سمعوا الصداع جاوا

مجدة :( شدات فبدر او دفعها جات مكركبة مع الدروج ) آاااااي

بقات كاضور تا جات مفرشة فالأرض

بدر :( عينيه ولاوا حمرين نزل كايجري ) مجدة ( حط راسها على ركابيه كايصرفق فيها ) فيقي أمجدة فيقي حلي عينيكي

العائلة كولشي تجمعوا على مجدة او ماماها بغات تسطى او تا باباها

مجدة حلات عين شافت حداها غسان طلقات من بدر او شدات ليه ايدو

مجدة :( كاتحل عينيها بصعوبة ) ماتتتخافوش ما ووقع لييا وواا للو

سليمة : ( عنقاتها ) بنتي حبيبتي

مجدة :( عنقاتها ) ماما سمحي ليا

بداوا كايبكيوا بجوجهم و أخيرا رجعات الأم او بنتها

مجدة :( كاتبكي ) اهء هء سسممحيي ليا هئ على ديك، ديك الهضرة

سليمة :( كاتمسح ليها دموعها ) نتي لي سمحي ليا ابنتي نتي مسحي دموعكي مانبغيش نشوفهم

عشق : نوضي الكذابة ومتي كاتمسكني علينا

مجدة :( كاتحاول تخفي الألم لي جاها فكرشها تسندات بغسان او ماماها او ناضت شافت فبدر لي كان حاني راسو ) مرة خرى

عايدة : بنتي مالكي ياك ماكاضرك شي حاجة

مجدة : لأ ماكايضرني والو راه طيحة بسيطة

عشق : وا جوج درجات طحتي منهم درتي كاع هاد الحالة

مجدة : اه عندكي الحق راه ماشي شي حاجة

عشق : ايوى ترجلي معانا اصاحبي

تجمعات العائلة مرة خرى كايهضروا و كايتفكروا ايام زمان و كايجبدوا ذكريات الطفولة دعشق و قيس و دراري

ام قيس : ( مشات جايت واحد الالبوم ديال تصاور كبير كان عامر غبرة ) هاني جبت ليكم تصاور هاكم شوفوا

حلوه او بداوا كايدوزا تصاور او عشق كاتقلب تصاور او كاضحك اي تصويرة فيها قيس

قيس براسو ماكانش عارف بهاد الالبوم بدى كايضحك و فكل مرة كايرجع ايشوف فعشق

عشق :( جبدات واحد تصويرة ) هاد تصويرة زوينة بززاف

عايدة : اه كانت عندكي 3 سنين ديك الساعة ماكنتيش كاتحملي تصاور ولكن ولدي قيس هو لي كان كايفهم ليك

عشق :( شافت فيه ) باينة فيه

عايدة : ههه اه هو لي علمكي الكتابة او اي حاجة خرى او تا الكرة

عشق : هههه مزيان مزيان فاش كنت صغيرة هو علمني ولكن دابة أنا لي غانعلمو

الجد :( كايضحك ) نتي ابنتي راك غاتعلمي العائلة كلها

قيس :( شاف فيها او ناض ) باقيين شي حوايج خاصكي تعلميهم

عشق :( ماداتهاش فهضرتو ) فين هو بدر

دنيا : ماعرفتش

قلبات بعينيها على مجدة مابانتش ليها كانت معاهم ولكن مشات او تا غسان

عشق كانت غادية كاتقلب عليهم تا سمعات تيليفونها كايصوني

عشق :( جاوبات ) ديالمن هاد الرقم

الممرضة : آلو واش هادي الآنسة عشق

عشق :( باستغراب ) اه هي هادي اش كاين

الممرضة : حنا كانحاولوا نتاصلوا بسي بدر ولكن تيليفونو طافي التحاليل خرجو

عشق : ككيفاش اين تحاليل تاني ( بدلات لهجتها ) بلاتي بلاتي منين جبتي الرقم ديالي شوفي نتي دوزي ليا بدر بلا تبرهيش

الممرضة : آنسة حنا ماكانضحكوش و الأمر خطير خاصكي تجي و الرقم ديالكي كنا خديناه فاش جابو لينا شي بدر و لقينا الرقم ديالكي آخر رقم صونا ليه و خليناه عندنا حيت عرفناكي وحدة من عائلتو

عشق :( تيقات هضرتها ) صافي ربع ساعة نكون عندكي

الممرضة : اوكي مادام ( حطات السماعة و شافت فبدر لي بتاسم ابتسامة كاتحمل الخبث )

بدر : مزيان انا براسي تيقتكي الفلوس غايكونوا وصلوا ليكي ( مشى غادي بحالو ) آاااه أعشق راكي ديالي بوحدي او ماغاتكوني لتا حد من غيري بغيتي ولا كرهتي

تفكر آش وقع ليه قبيلة كايحس بتأنيب الضمير من جهة مجدة ولكن سرعان ماكايتلاشى فاش كايتفكر بلي هي لي سلمات ليه راسها هو عارف بلي هو الوحيد لي متملك قلبها و جسدها و عقلها ولكن هوسو و حبو لعشق عاميه على شحال من حاجة