المصارعة المراهقة _قلوب أرهقها العشق_

part 13

عشق دارت وحدة او دارت راسها ماعارفاش

كولشي بداوا كيضحكوا عليها واحد شوية حبسوا الضحكة فاش شافوها اش كادير وواو كادير جميع انواع الريمانتيز اللور او لقدام او حتى براسها جات بحال شي فقمة بدات كادور الكورة على عنقها او كاديها من دراع لدراع كولشي و لا حال فمو ، شعرها الحريري تطلق او جا على عينيها ماتسوقاتش ليه واخا مغطيها الا انها عارفة اش كادير بقات شي نص ساعة او ماحبساتش او ما عياتش

مجد: حبسي حبسي راه عينا فبلاصتك

حبسات عشق بضربة المقص ضرباتها جات ديريكت فقيس لصدرو كان واقف تما ما تحركش عندو واحد البنية يا سلام ، عشق واخا شافتو ما عرفاتوش كان داير النظاظر او مبدل ستايلو

عشق جاتها لموت دضحكة

مجد : ناري ناري قفرتيها

مازن : جا شكون غايساليهم ليك

زيد : الله ايرحمك

مجد: سيري سلمي عليه راه ولد عمك

عشق جمعات الضحكة : واش ماكاتسالوش طبت بكثرة ما سلمت عليكم

زيد : باقي لخير او لبركة

عشق غادية او كاتمختر ما شافتش الكورة لي كانت قدام قيس

اما قيس فكان كيشوف قدامو بنت عندها 3 سنين جاية نفس الشعر غير دوك الخصلات لكريين ماكانش كيشوف عشق لكبيرة انما الطفلة عشق

تعكلات عشق بلكرة اووو boom جات على صدر قيس طاحو بجوج جات لاسقة فوق منو نظاظر طاحو ليه فاش طاح دار ايديه على خصر عشق او عشق مسكينة ما عرفات باش تبلات كانت حاطة ايديها على كتافو باش ماتصاطحش هي وياه كان مغطيهم شعر عشق

كانوا غا انفاسهم لي كاتضرب فوجههوم هوما لي كايتسمعوا قيس حيد ايد من على خصر عشق او حيد الشعر من على وجهها و التقت العيون من بعد 13 سنة تلاقات عينيهم شحال تسنى هاد اللحظة بفارغ الصبر شحال تسنى ايمتى غايتلاقى بدوك العينين لي كايعشقهوم لحد ما كايتصورو تا واحد

بغات تنوض او بقى مزير عليها هي ما نتابهاتش بلي هادا قيس حيت مادققاتش فيه دققات غير فدوك لعينين الزرقين بحال لبحر فلليل او دوك الموجات الرمادية هاد اللون تا هو نادر زرق مجهد مطاشي برمادي مجهد عينيه بوحدهوم كيسحرو بنادم هو شحال من مرة كاياخد لقب اجمل لاعب فلعالم عندو شخصية كاتجدب اي شخص فلعالم