المصارعة المراهقة _قلوب أرهقها العشق_

part 11

وصلهوم شفيق للدار بعدما قنعوا بزز عشق بلي غاتبقى تما ويلا ما عجبهاش لحال ايبدلوا لبلاصة ودعهم بزز كان باغي يقضي معاهم اكبر وقت ممكن ولكن خلاهم بوحدهم باش ايجمعوا افكارهم قاليهم بلي غيرجع عندهوم مع الصباح باش ايديهوم للدار

عشق هضرات مع بدر لي تصدم او ماعجبوش لحال بلي عشق غاتبعد منو و لكن بين راسو بلي فرحان حيت عائلتها او شجعها باش تعيش حياتها الجديدة او بلي عمر صداقتهم غاتقطع

نعسات او هي حاطة علامة استفهام فبالها كي غتكون حياتها الجديدة ؟ هي ما شغلهاش ايتقبلوها و لالا هاداك شغلهم هي ما غاتبدلش على قبل تاشي واحد

فاقت فصباح قضات امورها لبسات salopette كاتبينها بحال ميكانيسيان خلات شعرها مطلوق دارت كاسكيطة فنفس لون salopette ولات كاتبان ميكانيسيان ديال بصح

جمعات حوايجها لي الى شفتيهم تحلف الى ديال لولاد جمعات اي حاجة ديالها ولي كاتفكرها بلماضي ديالها او تصاور ، اصلا بيتها عامر غابتصاورها هي وولاد الحومة او بالاخص بدر لي مستحيل تكون شي تصويرة تصوراتها ماكاينش فيها تا فحياتها او تصاورها فاش كاتربح شي بطولة ، او الجوائز خلاص هوما لي خداوا اكبر بلاصة

توادعات مع ولاد الدرب او الدموع حابساهم بزز احساس صعيب تتخلى على حياتك او تمشي للمجهول بالاخص هي لي كاتحماق على مدينتها او دربها مابانش ليها بدر عيات ما تصوني عليه او والو مشات لدارو ما لقاتوش تقلقات منو بزااف

رجعات للدار لقات باباها كيتسناهم ركبوا فطوموبيلتو اتاجهوا للمطار ركبوا فطيارة خاصة لطريق الرباط مدينتها الاصلية اصلا هي مابعيداش بزاف على سلا قراب بزاف لبعضياتهم

وصلات الطيارة ركبوا فطوموبيل اخرة طويلة فين تبان اللولة قدامها غامن الطوموبيلات عرفات لقضية فيها لعاقة و دولار بزايد

حطاتهم الطوموبيل قدام واحد القصر قمة فالروعة كانوا حارسينوا بزاف د les gardes عشق عرقها شعرها او خشاتوا فلكسكيطة ولات ولد دبصح

دخلوا من لباب لي لعرض ديالو قد عرض الشارع لي كانت ساكنة فيه او واحد الجردة مابغاتش تسالي هي ماعندهاش مع النباتات و الازهار و الورود وصلات هي اللولة سبقاتهوم كلهم كان اصلا لباب محلول داك الشي تقليدي عصري

دخلات هازة ساكادو بيد لقات بزاف الناس تما ،او رجال واحد اينسيك فلاخر جميع انواع رجال العالم مجموعين هنا ها الزعر ها البيض ها السمر غا ديال تهزيهم او تهربي كولهم من مشاهير العالم

هضر واح الولد شهب شهوبيتو زوينة : اجدة ما قلتيش لينا خاصك معلم انا كانعرف لداك شي

عشق حيدات نظاظر او لكاسكيطة شعرها الزعر لي داير كي لون الذهب تحرك فلهوى بواحد الطريقة زوينة مع هو فايت الرطوبية او فايت مسعودة