المصارعة المراهقة _قلوب أرهقها العشق_

part 48

وصلات عشق لسبيطار خذات واحد البرا حلاتها تصدمات من داكشي لي قرات عاودات قرات لورقة شي 20 مرة كانت قدام لباب دسبيطار رجعات كاتجري هضرات مع الممرضة لي أكدات ليها هادشي

جا الطبيب لي زعما مكلف بالحالة دبدر

عشق :( معصبة و كاتغوت ) آش هاد الصبيطار غاندخلكم لحبس واحد بواحد وااش سمعتوا ولا لا كيفاش سبيطار بحال هادا ايدير هاد الخطأ غانشوهكم بدر مايمكنش ايكون عندو ورم مااايمكنش أنا كانعرفو

الطبيب :( تخلع ولكن تفكر التهديدات لداك الشخص لي غايصفيها ليه او لعائلتو ) آنسة عشق هادشي لي قريتي راه بصح تهدني باش نشرحليك او يالاه معايا لمكتب

عشق :( قربات لعندو شداتو من لكول ديالو ) كييففاش نتهدن واش واعي براسك اش كانقول راه ورم عندددووو ورم

الطبيب :( كايحاول ايحيد ليها ايديها ويهدنها ) راه هادشي خطير كثر ماكاتصورييي خاص نشرح ليكي حياة بدر قربات تسالي

عشق :( طلقات منو فاش سمعات هادشي ايديها وركابيها فشلو حسات بدنيا كاضور بيها ) ككيفاش اش كااتخربق نتا

الطبيب : يالاه معايا نشرح ليكي

مشات معاه عشق وعينيها مارمشوش بتأثير الصدمة

الطبيب : سي بدر بقات ليه شهور قليلة فهاد الدنيا و يمكن أيام حنا عاودنا التحاليل ولكن النتيجة هي هي

عشق : أنا ماقادراش نتيق هادشي لي كاتقول علاش ماقالهاش ليا علاش

الطبيب : نتمنى هادشي مايوصلش لسي بدر هو مابغاكش تعرفي تا حاجة

عشق : وعلاش علاش مابغانيش نعرف علاش

الطبيب : حيت كايبغيك مابغاكش تشفقي عليه مابغاكيش تتآداي بسبابو

عشق :( نزلوا عليها هاد الكلمات بحال الصاعقة ) كيفاش أنا مايمكنش نشفق عليه هو راه الصديق ديالي الوحيد فهاد العالم هو لي كايفهمني هو لي كايحس بيا هو خويا هو كولشي ( سكتات او غمضات عينيها حسات بدموع غايخونوها او ناضت مابغاتش تسمع شي حاجة خرى )

خرجات كان الظلام بززاف او غير صوت الطوموبيلات لي كاين خلات موطورها وبقات جاية على رجليها او هي مصدومة كيفاش الشخص لي كاتيق فيه ثقة عمياء غايمشي وي خليها ولا بد غايكون شي غلط مايمكنش

وصلات لفيلا دخلات او بانت ليها العائلة باقة مجموعة دخلات من الباب الخلفي او طلعات مشات لبيت بدر لقاتو تما

دخلات عندو او مشات عنقاتو

بدر :( عنقها ) عشق مالكي اش واقع ليكي

عشق :( بقات معنقاه ) سمح ليا ا بدر سمح ليا على كولشي

بدر :( زاد استغرب ) عشق قولي ليا مالكي اش واقع ليكي ياك مادرتي شي زبلة تاني