المصارعة المراهقة _قلوب أرهقها العشق_

part 39

مجدة حاولات تحبس صوت شهقاتها او نجحات كان دورها ترقص هي و مجد ولكن مابانش ليها كان مختافي

اما عشق فواحلة غير مع الكسوة تقادها من جيه تخسر ليها من جهة خرى مع كل خطوة كاديرها كاتهز ليها الكسوة كاتعطيها جاذبية خاصة مشات عند غزل لي جالسة هي و زيد كان باين عليها حشمانة او زيد مرة مرة كايلوح ليها شي كلمة كاتخليها تحمار مشات عندهم عشق تحت نظرات الجميع لي مذهولين بجمالها او جمال جسمها لمنحوت لي زادت بينات تقاسيمو الكسوة لي لبسات قيس ماكرهش ايهجم عليهم لي كايشوف فعشق كايخنزر فيه بواحد مولاتي تخنزيرة كاينسيه تا فين كاين كلشي كايقلب عينيه ولكن فلخر كاتجي عليها حيت دايرة كي لمغنطيش جلسات عشق وسط غزل او زيد لي خلاتو يتنحنح

عشق : تال لاوطيل او تنحنح تا تعيى اما دابة فخلي عليك البنت راه كاع الالوان دوزتيهم عليها ( تطفى الضو )

غزل : ييس غاتبدى رقصة مجدة او مجد

كانت مجدة الوسط فلقاعة تا تطفى عليها الضو ماعرفاتش فيناهوا مجد حسات بشي واحد جرها من الجرة عرفاتو معصب تشعل الضو عليهم بجوج جات عينيها فبدر لي خدى بلاصة مجد مجدة ماقاداها فرحة حيت غاترقص مع الشخص لي كتبغيه بقاوا كايرقصوا سالاوا الرقصة تحت تصفيقات الحضور لي عجبهم الرقص ديالهم واخة كان باين شوية الغضب ديال بدر لي كايخدم بلا عقل همو الوحيد شي خطة باش تكون عشق لي فأقرب وقت غايتنازل على مبادؤ او غايستعمل اي اسلوب واخة تكون ماكاتبغيهش حيت باينة فيها كاتبغي قيس ولكن خاصو اعتارف ليها وي حيد الحمل الثقيل لي على قلبو شاف فمجدة او هو مستغرب حيت ماعقلش ايمتى رقص معاها طلقها او مشى اما هي فمشات عند عشق لي كانت مستمتعة بالرقصة اما قيس فكان مستمتع بالنظر فيها او فعينيها لي زادوا برزوا مع الماكياج اما دوك الخصلات لكريين فعطاوها جاذبية خاصة كانت باغة تحيح ولكن لكسوة مامساعفاهاش كانت خايفة غير تجبد شوية وتتقطع عليها

جات توبة لي كانت تاهي لابسة لبسة مصغرة عن عشق نفس لماكياج و جمعة و تعكيرة

عشق : اجي لهنا كلشي على تعكيرة القح...

جات توبة كاتعوج هزاتها عشق باستها جا قيس توبة تخشات فعشق

قيس : اجي عندي البروهشة مالكي واش خلعتك

توبة : نااح نتاا خخااييب دلبتيي حتيي ايسسك سووف دلتتي لييها ديديي او دااز بززاااف الددم

قيس : راه ختك لي غاضربني ماشي انا انا غير مسكين ا صافي

باسها جات مروى لي كانت تاهي بحال شي اميرة خدات توبة بقات معاها

كمل العرس على احسن مايرام قيس بقى لاسق فعشق خاشي ايديه فجيبو او تابعها فين مامشات اما هي فكاتكره هاكة كاتحس راسها مزموطة او مزيرة غزل لبسات غير لبسة وحدة مافيها مايتعذب كانت حاسة بشوية لخوف ولكن زيد كاينسيها فتوترها او خوفها