مجدة : ( جات تجاوبو لقاتو طار من حداها ) هرب هرب ألخواف خفتي لا نشوهك ( كاتهضر مع راسها ) زوين ولكن متكبر يخخ
غزل : حبيبة مالك كاتهضري مع راسك ياك ما حماقيتي
مجدة : زوينة هادي الزامل لاخر
غزل : هيهو راني داوية معاك
مجدة : بعدي مني تانتي ، نتي لي باقيا ليا فلحساب ( مشات )
غزل : ياربي السلامة عائلة دلحماق
عند قيس لي فاش مشى بدر مشى حس براسو لا شيء ماعبراتوش ضار يالاه كان غادي او حس بشي واحد شدو ضار بانت ليه عشق
عشق : حشوما عليك باغي تمشي وتخليني بوحدي
قيس : (شكون يقدر يخليك ) لا غير بنتي ليا مشغولة او صافي
عشق :( هزات ايديه باستها هاد الحركة فيها من صغرها ديما فاش كان كايتجرح قيس كاتبوسو ) دابا ماغاتبقاش كاضرك
قيس :( بتاسم فاش تفكر فاش كانت كادير هاد الحركة ليه فاش كان كايتجرح ) باقا القاعدة هي القاعدة
عشق : كيفاش
قيس : لا والو
عشق : باينة فيك مهموم او مقلق
قيس :( كايهضر بالالغاز ) انا خصرت حرب كنت ديما كانتوقع بلي انا لي غانربحها
عشق : انا فنظري ما خسرتيهاش حيت طول ما الانسان كايتنفس يعني ما خسرش ، نتا ما حاربتيش حيت كون كنت فبلاصتك او خسرت و bien sûr انا مستحيل نخسر غير مثلا ( قيس ضحك على اسلوبها دايرة كي شي بنت صغيرة ) كنت غانعاود نحارب خاصك ديما تغش الى بغيتي تربح او الحرب فيها معارك خاصك تربحهم كاينة واحد المقولة كاتقول « في الحرب او الحب كولشي مسموح » او نت باين ليا الحب هو سبابك
قيس : انا مامتيقش بلي نتي لي كاتهضري
عشق :( ضحكات ) تا انا والله ما متيقة راسي اول مرة فحياتي كانهضر بهاد الطريقة
بانت ليها ماماها كاتشير ليها باش تمشي للطابلة لي مجموعة فيها العائلة
عشق : يالاه اقيسوس
قيس gاع الرجولة لي بناها فحياتو ضاعت مع هاد قيسوس دار ليها حركة بعينيه زعما خشي ايدك فدراعي تاهي ماشي من العاgزين خشات ايدو او تمشاوا جاوا كوبل خاطير كولشي لاحظ نظرات الحب لي فعينين قيس الا عشق لي ما لاحظاتش هاد الحب ، الحب ديال قيس لعشق ولا فاضحو غير من عينيه كاتشوف كمية الحب لي كايكنها لعشق ، عشق لي ماهامهاش اصلا كاتعتابرو بحال خوها
وصلوا للطابلة كانت gاع العائلة تما
الجدة : تبارك الله عليك ابنتي جيتي زوينة
الجد : اه حفيدتي هي زينة البنات
ايلين كاتغدد
عشق : ألواليد حاول على الواليدة البارح كنت دايزة من حدى بيتكم او سمعت شي اصوات راك غاتحملها من نهار اللول تكايس عليها را الموطور عندك باين مجهد
شفيق : ههه راني والد حمقة ، بنتي بغيت نسولك كنت بغيت نسيفط لفلوس ل conte ديالك او لقيت فيه 100 لمليون منين جاتك ديك لفلوس
العائلة كلها تصدمات كيفاش او منين غاتجيب gاع هاد لفلوس
ايلين : مستحيل انا حياتي كاملة كانخدم او ماجامعة تا النص ديالك انا متأكدة بلي جبتيهم من الدعارة
ايلين زلقات ليها لهضرة ماكانتش ناوية تقولها ،رجعات اللور تخبات ورى ماماها وا فكها يامن وحلتيها ليوم عشق تشوها بأي طريقة
عشق طلعات معاها الحمورية ما بغاتش تشوه العائلة بغات تخلي هاد النهار ايدوز على خير بانت ليها ايد قيس صافي لقات فيمن تتفش خشات صباعها مزيان فدراعو او قيس حابس الضحكة بزز هاد البنت ناوية تحمقو شي نهار هو قرر ايحارب على قبلها غايخليها ديالو ماكيهمش شكون كاتبغي المهم هو تكون ديالو بأي طريقة واخا يعرف ايقتل بدر
ايلين بغات تهرب دازت من حدى عشق او هي كاتشوف فيها
عشق مدات رجليها لايلين لي جات ناعسة على وجهها الصحافة خاصهوم غير علاش ايكتبو ولات الجوقة تما ايلين ماقدراتش تهز راسها عارفة حياتها غاضمر خاصها شهر تبقى محبوسة فدار على ما يتنسى الخبر حيت هي ماكانتها فلعالم كبيرة عارضة ازياء مشهورة
جات عشق البطلة بغات دير فيها دور الملاك هزاتها من ايديها او هضرات بهمس
عشق : شتي لي كايخدمو فالدعارة علاش قادات ، الحرب عاد غاتبدى نتي ختاريتي تلعبي مع الشخص الغلاط
أنت تقرأ
المصارعة المراهقة _قلوب أرهقها العشق_
حركة (أكشن)هي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
