المصارعة المراهقة _قلوب أرهقها العشق_

part 51

عشق استجمعات القوة ديالها و ناضت بقات غادية تا وصلات للقصر دخلات طلقات عليها الما بارد قلبها كاتحس بيه كايتحرق خرجات لبسات حوايجها

نزلات لتحت لقات العائلة كلها مجموعة

عشق :( بتوثر ) فين هو قيس واش مابانش ليكم

ايلين : لا ماجاش من الصباح كان مشى للشركة

عشق : صافي

عيطات عليه والو ماكايجوبهاش التيليفون مطفي

سليمة : بنتي بلا ماتخلعي عليه راه كبير و قاد براسو

مجدة : ولكن فهاد الايام مابقاتش عاجباني حالتو ولا فشكل مافهمتش

مجد : آه عندكي الحق فاش غايجي غانفهموا منو آش واقع

عشق : اووف كاع المشاكل تجمعوا علينا خطرة وحدة آش هاد الحالة

دخل الجد و سليم و شفيق و غسان و مازن كولهم بادي عليهم القلق

مشاوا جلسوا

عشق : آمضرا أجدي آش درتوا

الجد : درنا لي علينا و الباقي على الله الشركة غاتباع

هاد الهضرة نزلات على العائلة بحال الصاعقة كولشي مصدوم

الجدة :( ناضت ) كيفاش أسي محمد كيفاش الشركة غاتباع

مجد : جدي آش هاد الهضرة

ربيعة (- أم ايلين و غسان- دخلات ) : مافهمتش كاين شي مشكيل فالبطاقات ديالي مابغاوش ايخدموا

الجد :( جلس او شد راسو بين يديه  ) حنا درنا إفلاس و كاع هادشي لي حنا فيه تابع للشركة و تا الفلوس و البطاقات

مجدة :( ناضت ) لا لا مايمكنش قول ليا أجدي بلي هادشي كذوب مايمكنش

عشق : ( مشات حدا جدها ) جدي المهم هي الصحة ديالك و هاد الدار لي جامعانا أنا عندي الفلوس و تا قيس و هاد الفلوس ماتابعينش للشركة و الشركة غانرجعوها

دخل واحد الراجل ومعاه بززاف دالخدامة

عشق :( غوتات ) هييه شكون نتوما و شكون عطاكم الحق دخلوا ( شافت فالحراس ) ونتوما اشناهيا خدمتكم

الحارس :( نزل راسو ) سمحي ليا ألالة و لكن هادو من الضرائب

عشق : و منبعد آش جابكم هنا

العامل :( شاف فالجد ) بما أن القصر تابع للشركة فحنا و مع كامل الأسف غادي نحتاجزوه هو و الأثاث لي فيه حيت داية مابقاش ديالكم و لا ديال المالك الجديد د الشركة

الجد :( شد جهة قلبو ) لا تال هادي لا هاد القصر ديالنا هنا فين كبرنا

مشاوا تجمعوا على جدهم

عشق : جدي ماتخافش تا حد ماغايقرب لشي حاجة و هاد الدار غانبقاوا فيها  ( شافت فيهم ) ولي راجل فيكم ايقرب لشي حاجة الى ماقطعتش لمو ايديه