المصارعة المراهقة _قلوب أرهقها العشق_

part :1

ولد لبلاد زهرو فينو ماكاينش فلمرووك اينو ولد لبلاد دمعة فعينو ......

فقت على صوت التيليفون حليت عين او خليت لخرى مسدودة حطيت ايديا على جبهتي دققت فيه مزيان لقيت عايدة ماعرفتش واش نقول الاستاذة عايدة ولا الواليدة عايدة

انا : (بصوت ناعس) الو عايدة آش بغيتي ، مالك مفيقاني على نبوري
عايدة :(الام) دابا راه 10 قل ربع نوضي دغيا جي للمدراسة من 9 او نص وانا نعيط تامن الساعة لي مريgلاها مافيقاتكش او تيليفون باز ليك ابنتي
انا:(مقلوبة بالنعاس) تال لوحدة او نتشاوفو أبدر
الام :( بلغوات كانت غاتسمك عشق) أبنت لكلبة فيقي دغيا جي لمدراسة ديما دايرا ليا حالة ولكن لمرة جاية نجيبك معايا مع 8
انا ( ضرباتني لفيقة شوية ) أعايدة مالك دايرة هاكة بالرجولة راني فقت gبيلة او كليت او وجدت راسي راني فطريق
عايدة : باراكا ملكدوب او سدي لموري دلماgانة من صباح او هي تصوني ، وجدي راسك دغيا او سخني لفطور راه واجد عنداك تنساي لبوطة شاعلة بحال المرة لي فاتت سدي الروبينيات او طفي الضو او جي بالطابلية راما دخليش عندي بلا بيها
انا: (غير حلمي)صافي اعايدة مالك ديما فارعة ليا كر...(أعوذ بالله من الشيطان الرجيم ) راسي
قطعت عليها او نضت مابدلت ماوالو قديت حاجتي غسلت سناني بقيت ببيجامتي جمعت شعري كعكة مهملة آجا مايفكو مع هو فايت مسعودة
مشيت للكوزينة لقيت كلشي موجود سخنت اتاي حيت مستحيل ايدوز نهاري بلابيه كانتقطع او كايضرني راسي
كليت دغيا مشيت هزيت محفظتي اصلا عايدة جامعة ليا داك شي لي نحتاج
درت نظاظري حيت مادرتش لكاسكيطة عينيا ماكانبينهومش بزاف كايجذبوا كلشي ختكم شمكارة من الطراز الرفيع خاطيني لكساوي او داك شي ديال الماكياج او تصاحيب
بقيت لابسا بانطوفتي سديت الباب اصلا انا ما عنديش سوارت حيت ديما موضراهم ماعلينا خرجت من الدار تلاقيت بمحمدجاي بلموطور وقف حدايا
محمد : لعشيرة طلعي نوصلك لديك لحبس
عشق : لعز ليك ألعشير
طلعت معاه عفط عفطة وحدة للمدراسة نزلت ، تلاقيت بداك كحل سنان ديال لحارس فلباب
لحارس: رجعي فين كنتي دابا 10:2 تعطلتي لباب تسد
عشق: بلاما طلع ليا لخرى لراسي را ضوسيك كلو عندي غانقولها لخدوج
لحارس:كاتخلعيني بيها ولا شنو ، بغا يكمل او هو يسمع لغوات
خدوج:(بصوت غليض)وااا حساااان وا الزامل فينك آجي
السيد ولا حمر كايخاف منها
لحارس:دخلي أبنتي دغيا قبل ما دوز عليك الحصة
ضربت فيه او دخلت كانت لمدرسة كاتسفر مشيت لقسمي
لقيت لباب محلول جات عايدة كانقصد الاستاذة