المصارعة المراهقة _قلوب أرهقها العشق_

part 30

بقات عليها هادي تنفع هادي لا مابقيتيش تقدر تشوف وجهها من كثرة الدم غزل او مجدة جاوا دايرين راسهم كايفكوها او هوما كايضربوها غا بالفن حابسين الضحكة بزز قيس بقى جالس فوق الكرسي مادار تاردة فعل بقى مربع ايديه

عشق تابردات فيها القديم او الجديد عاد وقفات كان شعرها تطلق رجعاتو اللور او تنفسات

عشق :وادابا لحمارة دمك غاتلقاي فين تخسري فلوسك او تا داك النيف كان خاصو اصلا عملية التجميل

فين هي ايلين راها مغيبة الجد ضرب بعكازو فالارض او هضر بصوت غاضب

الجد :(مخنزر ) اش هاد الشي واش مابقى حد ايحتارمني فهاد واش كانبان ليكم انا قدي قدكم

عشق :( ماداتهاش فهضرتو ) انا درت غا الواجب بانت ليا غاصها التربية او ربيتها ايوا دابا نسميها ايلين ضور بساحتي انا دابا غير هريتها او صافي اما شي ضريب ماضربت

مامات ايلين ( كاتبكي ) الله على بنتي الله ( شافت فعشق ) الى ماخليتكش تندمي مانتسماش ربيعة بنت عبد الكبير

عشق : تكوني تا بنت الصغير وانا مالي ربي القح.. دبنتك عاد جي هدديني والله تازوينة هادي قالتلك غاتندمني

ايلين كاتحل عينيها مابقاتش قادرة تحرك فمها كاتوعد لعشق بأحر الانتقام على هاد الشوهة كاتواعدها بلي غاتخليها تندم ماكفاتهاش الشوهة لي دارت ليها فلحفلة زادتها هادي

مامات ايلين ( ربيعة ) : هئ هئ ولدي قيس اجي هز ايلين نديوها لسبطار

قيس :( بدون مبالاة ) وانا مالي علاش كاتgوليها ليا راه زيد ايديها

جا زيد هزها او داها فطوموبيلتو لسبيطار تما داروليها عملية التجميل لقاوا بلي لميشوار ديالها تهرس او قادوه ولكن كانو باقيين شوية دليطخاس

رجعوا للقصر او زيد او ربيعة شادين ايلين دخلوها لقاوا العائلة مجموعة تما او تاواحد مامسوق لاخر

ربيعة : سي الحاج واش ماناويش تعاقب عشق هاد النهار ضربات ايلين غدا تضربنا او بعدو تصدق ضارباك نتا

الجد : انا متافق مع عشق فلي دارتو حيت ايلين هانتها ولكن عندك الحق خاصنا نعاقبوها

ربيعة فرحات او العائلة استغربوا اما باردة المشاعر دعشق ماداتهاش فهضرتو شكون هو باش ايعاقبها ماعاقباتها تا مها

عشق :( قلبات عينيها ) باش غاتعاقبني

الجد : غاطلبي السماحة من ايلين

بدر او عشق تفركعو بالضحك هاد الجد عندهوم باينة حماق واش عشق الادريسي غاطلب السماحة او تجرح كرامتها بالنسبة ليها بلي الانسان كايتنازل على كرامتو بالاعتذار بالاخص هي لي كاتعتابر بلي الكرامة هي حياة الانسان