المصارعة المراهقة _قلوب أرهقها العشق_

part 66 ( تصويت )

نرجعوا لعشق لي وصلات و بدلات حوايجها و مشات تخشات فبلاصتها بعدما نعسات توبة و أوس

قيصر : عشق مالكي آش كاين من gبيلة و نتي مقلقة

عشق : لا والو غير فيا النعاس

قيصر : صافي الطبيب gال بلي المرض غايمشي

عشق :( تقادات فالجلسة ) هادشي لي بغينا إنشاء الله خالتي غاتفرح بززاف

قيصر : آه عندكي الحق بعدما رجع ليها الشوف رجعات الفرحة لحياتها و لحياتي تا أنا

عشق : الخير فين مادانا ليه الله الله بغاها ترجع تشوف

قيصر : شكرا أعشق على الوقفة ديالكي معايا

عشق : واش نسيتي بلي راك ولد خالتي

قيصر : ولد خالتكي صافي

عشق :( ضحكات ) او تا راجلي

قيصر :(تقلب للجدية ) هاد العلاقة ديالنا غريبة متزوجين ولكن عايشين بحال شي أصدقاء

عشق : هادشي gلتو ليك شحال من مرة هاد العلاقة ماعندها فين توصل ( شدات ليه فيدو ) نتا تستاهل حسن مني شي وحدة تبغيك و تبغيها أما أنا مانقدرش والله

قيصر :( حيد يدو ) عشق 4 سنين و أنا صابر ماشي باش تجي تgولي هاد الهضرة

عشق : ماشي أول مرة كانقولها ليك أنا بقيت معاك باش نساعدك فالعلاج ديالك لا أقل ولا أكثر

قيصر :( باستغراب و دهشة ) ككيفاش

عشق : هادي هي الحقيقة انا بقيت معاك باش تتجاوز هاد المرحلة

قيصر : نتي كنتي كاتشقفي عليا ولا شنو

عشق : قيصر ماتgولش هاكة انا عمرني شفقت عليك كاتبقى نتا قوي بهاد المرض ولا بلا بيه خالتي كانت طلباتني وماقدرتش نرجعها ليها فوجهها

قيصر : يعني هاد المدة كلها و نتي كاضحكي عليا

عشق : كيفاش كانضحك عليك انا كنت كانعاونك ماشي كانضحك عليك نتا من اللول كنتي عارف بلي كانبغي قيس و لكن سحاب ليك غانقدر ننساه ولكن لا انا و لا نتا نسيناه واش فهمتي

قيصر : دابة تعادلنا

عشق : فاش تعادلنا

قيصر : بجوجنا خبينا على بعضياتنا ولكن ماتوقعتش منكي هادشي

عشق : نتا عارف بلي ماتزوجتش بيك عن حب ولا شي حاجة كان هاداك زواج إجباري خارج عن الارادة ديالي ولو رجع بيا الوقت للور كنت غانوافق

قيصر : دابة علاش كاتgولي ليا دابة gاع هاد الهضرة

عشق : حيت المهمة ديالي فحياتك سالات نتا تشافيتي من داك المرض و خالتي غاتكون مرتاحة و تا حنا كلنا غانكونوا مرتاحين

قيصر :( هضر بعصبية ) عشق الشافعي إلى كنتي كاتفكري فالطلاق فغير حيدي هاد الفكرة من عقلكي

عشق : أنا عشق الإدريسي ماشي الشافعي واش فهمتي و أنا بغيت نتطلق منك بلا مانوصلوا لتا مشكيل ( تقادات فجلستها ) خاصك تعرف شي حاجة ضرورية

قيصر :( غمض عينيه ) هضري

عشق : أنا تزوجتش منك من الاساس حيت يسحاب ليا نتا السباب فموت قيس و كنت بغيت ننتاقم لروحو و ننتاقم لكرامتي لي جرحتيها ....

قيصر :( كايحاول يستوعب هادشي لي كاتgول ) نتي كاضحكي ياك أعشق ( شدها من ذراعها و هو مزير عليهم و عينيه حمرين ) gولي بلي هاد الهضضضرةة كذذوب هضضريي

عشق :( كاتنتر منو ) قيصر تهدن

قيصر حيد يديه و ناض

قيصر : أنا بغيتكي و نتي جازيتيني بهاد الشي

عشق : قيصر ستنى سمعني باقي ماكملتش

قيصر :( حل البلاكار و هز شي حوايج ديالو ) بغيتي تطلقي هادشي لي غايكون غدا غايوصلوكي وراق الطلاق

عشق :( مشات حداه ) قيصر تهدن و gلس نهضروا بالعقل

قيصر :( غوت ) ععللى نتيي خخلليتيي للياا ششيي ععققل ننتيي ككذاابة ( قررب لوجهها ) وولييت كاانكرهكيي ووااش فههمتيي مااتستااهلييش حببيي ليككيي خخلييت كوولشي وورىى ظظهري و استسلمتت ليكيي الذنب ماشي ديالكي ولكن ديال عينيكي لي خلاوني نتعلق بييكيي كاانلعن النهار لي شفتكيي فيييه ووااش فهمتتي

عشق :( كاتحاول تشد فيه و تهدنو ) قيصر نتا كاتهضر و نتا معصب شوف تهدن و نهضروا راك غاتفيق الدراري و تخلعهم

قيصر :( سكت وشاف فيها و بدى كايحرك فراسو ) ماكانش يسحاب ليا أنا عقدة فحياتكي سمحي ليا سمحي ليا

عشق : ولكن أنا ما gلتش هاد الهضرة علاش كاتزيد فالهضرة من عندك

قيصر : نتي كنتي كاتشوفي فعينيا و كانكذبي عليا كل نهار

عشق : وللكن انا عمرني gلت ليك و لا لمحت ليك بلي كانبغييك نتاا لي ربطتي راسك بياا

قيصر : عندكي الحق نتي عممركي ماعطيتيني تتا أمل صغير نتي بقيتي رابطة راسكي بواحد ماات وااش إلى درتي هاد شيي غاايررجعع للحيااة وااش غاايرجعع يععييش

عشق : أناا حااسة برووحو معاايا كاانحسس مععااه باققيي عاايش فالدااخل ديالي والله حااولت ننساه ولكن ماقدرتش هو كااين فبلاصة تاا حد مايقدر يزعزز مشاعري من جهتو و تا الموت لي داه ماقدرش

هز تجاكيطة ديالو وم شى وعشق تبعاتو وقفات فدروج

عشق : قييصر على الأققل gوللياا فين غااتمششيي

قيصر :( وقف و شاف فيها ) بغيت نمشي لشي بلاصة ماتكونيش فيها حيت الى بقيت حداكي غانحماق ماتخافيش عليا حضي راسكي مزيان

مشى و سد الباب و خلاها كاتفكر واش هي كادير هادشي بصح على قبل قيس لي مات ولا على قبل شي حاجة خرى ماقادراش تركز فتفكيرها حاسة براسها غايتفرgع مشات لبيت أوس و بقات تما معاهم تا طلع الصباح وهي غير كاتفكر .......

_________

البناات شكون فيكم بغات عشق ترجع لقيس وشكون فيكم بغاتها تبقى مع قيصر

التصويت

من اليوم تا لغدا غانشوف أكثر واحد بغيتوه 😍😍😘😘😘😘