المصارعة المراهقة _قلوب أرهقها العشق_

part 46

مشات لبيتها كاتحاول تتجنب اي واحد كايهضر معاها

هي عارفة راسها كاتبغيه كاتحس بميول غريب اتجاهو كاتحس بلي هي مخلوقة ليه ولكن هي مايمكنش تحط حياتو فالخطر هي دخلات لعالم آخر عالم لي هي الملكة ديالو

بدلات حوايجها جمعات شعرها جلسات قدام لمراية جبدات دانقات دارتهم لوذنيها بقات شحال كاتحقق فراسها فلمراية وكاتهضر معاه تا تفتح الباب و دخل بدر عرفاتو هو ولكن ماداتهاش فيه وكملات التأمل ديالها

حط ايديه على كتفها طلعات عينيها شافت فيه

بدر : سمحي ليا

عشق : علاش غانسمح ليك

بدر : حيت خبيت عليك

عشق :( ناضت او تقابلات معاه ) نتا كذبتي عليا من إيمتى وليتي هاكة شكون نتا من إيمتى كانخبيوا على بعضياتنا اش باقي مخبي عليا تاني ؟؟؟!!

بدر : بقات حاجة وحدة وغاتعرفيها فوقتها

عشق :( كاضحك ) تا هاد الحاجة مابقيتش باغة نعرفها

بدر : ( جلس ) كون بصح كنتي مقلقة مني ماغاتعنقينيش لبارح أنا كانعرفك مزسان ماتقدريش تقلقي مني

عشق :( جلسات حداه ) ماعرفتش أ بدر مامرتاحاش من نهار جيت هنا و أنا كانتبدل

بدر : تا أنا بحالكي

دخلات مجدة للبيت لقاتهم جالسين ماتسوقاتش لبدر او جات عند عشق

مجدة : ختي عشق راه كايعيطوا عليكي

عشق :( شافت فبدر ) يالاه نزلوا نشوفوا اش كاين

نزلوا او مجدة مشات جلسات حدا غسان

أما عشق او بدر جلسوا حدا بعضياتهم او بقات بلاصة خاوية حداها

نزل قيس لي كان مقاد راسو مزيان ماتقولش بلي هادا لي كان بغى انفاجر قبيلة شافت فيه عشق او ضحكات

عشق :( فخاطرها ) هاداك لس كنتي هازة ليه الهم مقاد راسو و نتي بقاي تتحسري عليه

الجد : قيس سير جلس حدا عشق

قيس : ( مشى عند دنا لي كانت جالسة حدا مجد ) دنيا سيري جلسي تما بغيت نبقى حدا جدي

دنيا : واخة

مشات لتما عشق كانت بغات تنوض ولكن بدر شد ليها فإيدها وهادشي تحت أنظار قيس

قيس : جدي انا موجود باش نخدم فالشركة

الجد : هادشي علاش جمعتكم باش نهضروا فهاد الموضوع

عشق : و أنا ما محلي من الإعراب

بدر : اه او تا انا

الجد : نتوما عارفين بلي أكبر الاسهم من حقكم

قيس : اه كلنا عارفين

عشق : انا مابغيتش تا أسهم او مابغيتش نخدم فالشركة

مجد : إذن عطيهم ليا

الجد : مجد نتوما اولادي تقريبا متساويين ولكن عشق او قيس او بدر او غزل كثر منكم و عشق مايمكنش ليها تكتب الاسهم ديالها ليك

عشق : إذن انا بغيت نكتب الأسهم ديالي لختي توبة

الجد : توبة مازال صغيرة و تا الأسهم ديالها نتي لي غاتتصرفي بيهم

عشق : لا هادي ولا هادي

قيس : الهضرة دجدي ماكاتتناقش ولي ماعجبوش الحال ماعندنا مانديروا ليه

عشق :( شافت فقيس ) قيس نتا سكت ماعندك تا دخل فيا و فهادشي

الجد : صافي سكتوا و نتي أعشق خاصكي تتحلاي بالمسؤولية و راه قيس عندو الدخل فداك شي لي كاتقرري

عشق :( خرجات عينيها ) ككيفاش

سليم : كيما سمعتي أبنتي بينما درتي 18 عام هو المسؤول على الاسهم ديالكي

قيس :( شاف فيهم ) أنا مامسؤول على تا حد

عايدة :( شافت فيه ) كيفاش ا قيس اش كاتقول

عشق :( عجبها الحال حيت هو لي معارض ) جدي علاش ماشي بدر هو لي مسؤول على الأسهم علاش ماشي مازن علاش ماشي زيد علاش قيس بالضبط

الجد : هذا قرار الكبار دالعائلة هوما لي عارفين مصلحتكم

عشق :( شافت فقيس لي كان كايشوف فالأرض او كايلعب بصباعو رجعات ظهرها اللور أو ابتاسمات ابتسامة الانتصار ) أو تا أنا ماقلت والو موافقة على هاد القرار

قيس : ( ناض مشى لبيتو بلا ماينطق )

الجد : صافي سالات هضرتنا

بدر : ( لي بقى ساكت او ناض للجردة تبعاتو عشق )
اش هادشي أ عشق مابقيت فاهم والو اش دانا لشي شركات

عشق : بدر حنا نقدروا على هادشي ماكاينة تا حاجة صعيبة علينا فاش كانكونوا بجوج

بدر :(بغى ايهضر ولكن شد فراسو )

عشق :( تخلعات عليه ) بدر مالك

بدر : والو والو غير كايضرني راسي هادي جوج سيمانات و أنا على هاد الحالة

عشق : ( مخلوعة حيت عمر وقع ليه هاكة ) واش مشيتي للطبيب ولا مازال

بدر :( متوتر ) اه لا مامشيتش

عشق :( حسات بيه كايكذب عليها ) بدر اش واقع ليك قوليا الصراحة

بدر : ( شد ليها ايديها بجوج لي كانوا باردين ) عشق إلى كنتي معايا عمر شي حاجة غاتوقع ليا

عشق :( حسات بشي حاجة غريبة فهضرتو ) آه راني ديما غانبقى معاك

طلقات من إيدو و دخلات

بدر :( بقى متبعها بنظراتو حتى دخلات ) سمحي ليا أعشق سمحي ليا ماشي لخاطري قلبي هو لي كايخليني ندير هادشي ...