المصارعة المراهقة _قلوب أرهقها العشق_

Part 5

نضت عنقت ماما من لور بست ليها راسها حيت واخا ندير لي درت مانعبرش ليها على مدى حبي و افتخاري بيها تعدبات بزاااف او بوحدها كان مجموع فيها كلشي هي عانات بسبابها وصلت لهاد شي لي واصلة ليه واخا عمري ما سمعت ليها كندير داكشي لي بغيت بموافقتها ولا بلا بيها
صافي قررت مانبقاش نجبد داك الموضوع حيت كايصدعني ويصدعها نخلي كولشي للوقت لي غايفهمني

مشيت غسلت يدي او رجعت ماما حطات الروز مع المايونيز و الخضرة و الطون و des salades de fruits لمهم عمرات الطابلة حيت كتعرفني كي دايرا  لي شاف العضلات مشدودين او لفورما مطراسية يقول كاضل صايمة او قاتلة راسها بsport ولكن انا كرشي هي الاهم من عقلت على راسي او انا فلاصال ماما كانت خايفة بغات زعما نتعلم نحامي على راسي ساعة هوما لي ولا خاصهوم اتعلمو باش ايدافعوا على راسهم مني

شفت هاد شي عينيا تحلو ماعقلت لا على اداب لا على ماما دخلت فيه طول او عرض ماما gلسات كتنقب شوية شوية اصلا عندها لفورمة مقودة باقا صغيرة واخا هاكاك ماتعطيهاش 35 gاع الاساتذة طايحين فيها نجمع معاهم تا لمدير و الحارسين هاد شي كاينعني فاش كانبغي نتقولب عليهم زينها 100 %تركي مستحيل تقول عليها مغربية ماكنشبهى فوالو ،فاش كانخرج معاها كلشي كيتستس تاكتقوليهم أولادي نعلوا الشيطان كايبقاوا كيضحكوا كيسحبوها كتفلا عليهم

هي واخا قاصات ولكن حبها لبابا كان قوي واخا مات ديما كنشوفها معنقا تصويرة او كتبكي هي بقات وفية ليه او ليا حتى انا ، كيتعرضو عليها بزاف بزاف ديال عروض الزواج و لكن كترفض

فاش ساليت شفت فماما
عايدة  : الدورة اللولة راه تقريبا سالات وجدي راسك مزيان بغيتك ديما تجي اللولة كي ديما (انا دايرة علمي international حس العربية ماكايضورش عندنا كايديرو لينا موحد عالمي باش ايشوفو شكون غيجي اللول فلعالم  )
عشق : راه البطولة لي قربات ، اصلا آش كتعرفي عليا عمري ما خليت شي واحد يغلبني فأي حاجة
عايدة : والله ماكانفهمك كتجي نتي اللولة عالميا او لعقل ايجيب الله خرجتي كتشبهي ل .... ( ماقدراتش تكمل )
عشق : كمليها خرجت كنشبه لبابا انا عمري ماشفت حتى تصويرتو
عايدة ( دموع كينزلو)
عشق : صافي ا عايدة ماقلت والو هادي اخر مرة نجبد سيرتو غير بقاي على خاطرك ( هاد ختنا عندها جفاف عاطفي )
مسحات ليها دموعها باستها
عشق : غنمشي ليوم مع 9 لقهوى نتفرج فلكورة
عايدة : عاوتاني لاعبة ديك عدوة الله