المصارعة المراهقة _قلوب أرهقها العشق_

part 6

عشق: ماغاتقهميش هاديك راه الحب مشاا لبيتها جابت لمشطة مداتها لماماها
عشق: لواليدة مشطي ليا شعري
عايدة: احياني عليك ماكاتعيطي ليا لواليدة تا كتبغي فيا حاجتك
عشق: ايلا ما  بغيتيش نمشي عند شي واحد من ولاد الدرب شحال من مرة درتها راني ما خاسرا والو ( عشق علاقتها بولاد دربها فشكل كولشي كيعزها بزاف ماكيخسروش ليها خاطرهم كايعتابروها بحالهم )
عايدة :آري ديك لمشطة لهنا او آجي نمشط ليك ديك زنطيطة العود
عشق: هههههه سمية واعرة شديتيها عليه
مشات عشق gلسات حدا ماماها ربع ساعة او هي مشط يا ماتمشط تافكاتو
عايدة شميت فيك ريحة الgارو ياكما رجعتي ليه
عشق:راه مرة مرة فين كانكمي راه فاش كنت راجعة تلاقيت بولاد الدرب gلسنا شوية او لسقات فيا الريحة ديالو
عايدة الله ايجعلني تنيق

مشات تكات فسداري جبدات تيليفونها بقات 3 سوايع مكونيكطيا ماماها ماتقدر تقول والو حيت عاداتها تا واحد مايقدر ايحيدهوم ليها

وصلات ديك 8 سمعات صونيت طلات من السرجم شافت بدر
عشق:تسنا 5 دقايق دغيا نهبط ألحب
بدر : صافي ألعشق زربي راه ولاد لق...  عمروا لقهاي خاسنا نشدوا بلاصتنا

مشات عشق لبيتها جبدات سروال سيرفيط لبساتو رجل طالعة رجل لا لبسات كويرة كحلة بلقب خلات شعرها الزعر الذهبي لي سابغا واحد الخصلات لقدام بلgris جامعها زوين فاش كدير كاسكيطة كطلقو رجعاتو كلو لقداد معاهو طوييل فات لكويرة دارت كاسكيطة لقب من فوقها ودعات ماماها

هبطات عند بدر تسالمو آجيو نوصف ليكم بدر ، هو شمكار ديال شماكرية لمدينة مامعاهش اللعب هو وعشق دايرين كي فردات صباط كتعزو بزاف ولكن هو كيبغيها مقدرش ايقولها ليها خاف ايخسر صداقتها حتى هو بطل فلkick boxing هو مفورمي او عامر وشوم لي فيهم سية عشق سموريتو خطيرة شعر كحل ديما مطلعو هو بوكو لعاقة او بوكوص 

خشات ايديها فكرشها مطلعة لكويرة عضلات كرشها كيبانو كيحمقوا هادي هي مشيتها ، بحال دراري بدر حط دراعو محاوط بيهم عنق عشق
عشق: واغبرتي علينا العشير
بدر :راه غالظروف يالاه تشاوفنا غالبارح
عشق:واخا هاكاك راه بلاصتك عالم بيها غالله بحال خويا والله
بدر:(ولا موالف على هاد لهضرة) تا نتي بلاصتك كبيرة عالم بيها غالله

وصلوا للقهوة كانت شوية عامرة الناس وصلوا بكري ايشدو البلاصة ، عشق بوحدها بنت فديك القهوى ، gلسات فطابلة لي موالفة تgلس فيها

داز الوقت لقهوى عمرات على الجهد تامن زناقي ولاو كايصفرو كلشي مشا للقهوة يتفرج فلكلاسيكو
بدات المقابلة عشق حطات تيليفون فوق الطابلة

بانت ليها الفرقة ديال البارصا داخلة كيترأسها قيس الادريسي ومن لا يعرفه هو اللاعب المفضل عند عشق كايحمقها تيكنيك ديالو فلعب عمرو لعب شي ماتش او ماسجلش شي هدف كولشي كايقول ليها واش كيجيك حيت عندهوم نفس لكنية ولكن كاتنفي هي تصورات مع gاع لعابة ديال الفرقة الا هو لي ماتاحتش ليها لفرصة ولكن حالفة تاتصور معاه