مروان :( مد ايديه لعشق ) كنت واثق انك غاتنجاي
عشق :( ناضت بلا مساعدتو ) شاف مروان هذا شرف ليا انا ماكانستسلمش
صوفيا : عاجلا ام اجلا غاتنساحبي برضاكي نتي
عشق : بيني و بين اللقب غير الموت حيت هي لي غاتفرقني
جا بدر كايجري فاش ساق لخبار لاش واقع مروان دار ليه حركة بيديه وقف او تكالما بدر وقف بلهلا ايطريه ليه مورك على ايدو
بداوا المتبارين كايفيقوا او هوما كايكحبوا
ليندا ( المتبارية ) الله انا فلجنة
عشق :( مدات ليها ايديها ) لا احنينتي نتي باقة فجهنم راه الما اثر على ذماغك
صوفيا :( كاتحاول تبعد من الما ) مروان انا غادة للبيرو ديالي
عشق :( بشوية ) تا هاد الزبل عندهم لبيروات لطفا يا الله بقلبي راه مابقيتش قادة على الصدمات
صوفيا : الصدمات جايين فالطريق
عشق شافت فيها حيت سمعات لحوار لي كان بينها و بين نفسها
صوفيا : انا الة نقدر ندير لحوايج لي نتوما ماتقدروش ديروها جمعوا راسكم او تبعوني للبيت ديالكم الجديد
عشق :( غادية معاها كاتقارن راسها بهاد العجب لي معاها ضربة منها تجيبها كاو بدات كاتقيس فيها ) دابة نتي الى قاصك لما غاتخسري
صوفيا :( شدات ايد عشق ) اه انا مامبرمجاش باش نكون ضد الما
عشق :( حيدات ايديها ) مزيان الله ايستر مع الله ايحفظ
ليندا :( بشوية ) قلبتوها هضرة تاهاد الكائنات كايتحاوروا يسحاب ليا غير حنا لي فينا لهضرة بزاف
عشق : سكتي قبل ماتجمعها معاك بشي نص
وصلوا للغرفة لي كانت حسن شوية
مروان : غدا مع الصباح عندكم التداريب ديال السباحة
عشق : كلنا كانعرفوا نعومو
مروان : تاواحد فيكم ماكايعرف غدا مع 5 تكونوا عندي
بدر : بقات ليكم 2 سوايع
عشق :( طلعاتو او هبطاتو او دخلات خلاتو نادم حيت ماصارحهاش )
عشق نعسات تا كاتفيق على لمسات شي واحد قلبات وجهها
عشق : اووف ا قيس بعد مني خليني ننعس
ليندا : اويلي مالك اعشق نوضي راه هادي ليندا
عشق :( تقلبات كاتحك فعينيها او هضرات ) اويلي فين انا فينهو قيس
بيندا : على حسب علمي راه فاسبانيا اما نتي فراكي فأسوء ايامك يعني فالجحيم
أنت تقرأ
المصارعة المراهقة _قلوب أرهقها العشق_
Actionهي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
