المصارعة المراهقة _قلوب أرهقها العشق_

part 8

سكتات واحد الشوية
عشق:هاني خارجة تاتكملو لحوار ديال الحب و ديك الدراما ،ماعنديش مع دوك الاجواء

الى شفتيها ماتيقش بلي هادي بنت واقفة قدام الاب دالها لي عمرها كلو او هي يسحاب ليها مات ،ماعطاتش للموضوع اهمية ، حسات راسها فشي فيلم او هي البطلة

الاب (شفيق )بنتي عشق

عشق بحال ضربها الضو وقفات لا اراديا هاد لكلمة كانت كاتمنى تسمعها فاش كانت صغيرة كانوا كيبانوا ليها لبنات مع باواتهم او هي لا واخا كانت الام ديالها الا واحد الفراغ عاطفي من جيهة الاب ديالها كانت ديما كتحاول تخبيه

ضارت عندو بتعابير متسائلة
عشق : نعام أ شريف راك غلطتي فلعنوان انا ما بنت حد بّا الله يرحمو مات شحال هادي ( شافت فماماها) ياك الالة عايدة

جاهم كلامها بحال لخنجر داك شي لي كانت خايفة منو عايدة هاهو وقع داك السر لي هزاتو على كتافها 13 عام تفضح كانت كلما سولاتها عشق كتقول ليها مات هي مابغاتش تخسرها خافت عليها ولكن داك الشي لي خافت منو وقع خسراتها هي و ثقتها

اما الاب ماتوقعش تكون ردة فعلها هاكة حيت اي وحدا فبلاصتها كانت غاتكون كاتبكي مقلقة ولا فرحانة حيت عرفات بلي عندها اب اما عشق غير لبنات عندها مناعة مضادة للخوف او الصدمات او لحب ( هاحنا غنشوفو) الاب عجباتو شخصية بنتو عرفها قوية غير من لبسها او طريقة هضرتها هو عارف عليها كلشي من a z فكراتو فراسو

عايدة: بنتي سمعيني خليني نشرح ليك عافاك( شدات راسها حيت ضرها بزاف بلبكا )

عشق : عايدة (مشات كتجري شافت باباها شدها او gلسها مد ليها كاس دلما )

شفيق: شدي احبيبة

عشق بدات كضحك ، حطات تشبس فوق البيرو ، شدات واحد الكرسي قلباتو او جلسات عليه هادي هي جلستها تا فلقيسم هي مستحيل تجلس بحال بنادم كلشي عندها بالمقلوب

عشق:(كتهضر ببرود ) دابا عاد بانت ليك حبيبة فين كنتي شحال هادي فلظاش كانت محتاجاك تقول ليها حبيبة او تساندها

شفيق:(شاف فعشق هبطو شي دمعات كان حابسهوم شحال تسنى هاد النهار لي غيواجههم هي وماماها) بسباب غلط وقع فلماضي حنا تعاقبنا بتلاتة بينا ، انا عمري ماتخليت عليكم
عايدة:هههههههه ، نتا تخليتي علينا كنتي باغي طلقني او تلوحني للزنقة او تاخد ليا بنتي لي هي لهوى لي كنتنفسو

مسحات دموعها او هضرات بهستيرية كتحرك راسها ليمن او ليسر :مستحيل نخليك تاخدها مستحيل هاديك بنتي انا لي تعذبت عليها عمري ماغنخليك تحلم تسرقها ليا عمرك

مشات عند عشق :قوليليه بلي نتي ماباغاهش ، مانقدرش نعيش بلا بيك ، قوليليه شحال تعذبت على قبلك قوليليه

عشق تخلعات من ردة فعل ماماها لي كتهضر بهستيرية

عايدة مشات عند شفيق شداتو من لكول دلكوستيم كتزعزع فيه كان بحال جبل ماكيتحركش باقي محافظ على فورمتو او وسامتو

عايدة: ماغنخليكش تاخذها ليا ، ماتحلمش ، ماغنخليكش ، نتا جيتي باش دير داك شي لي ما خليتكش ديرو 13 عام هادي ، لا مغنخليكش ، لا لا لاااااا
سخفات عايدة قبل ماطيح شدها شفيق كيسرفق فيها ، مخلوع هو عمرو مانساها او حبو ليها كبيير كيكبر نهار على نهار ، تعذب بزاف فغيابها بجوجهم كانوا على غلط

شفيق : عايدة فيقي ، فيقي نشرح ليك

انا مشيت كنجري عند ماما ،
عشق: عايدة عافاك فيقي ، حلي عينيك ،(شفت فبابا  بحقد او كراهية )نتا سباب ، نتا السباب اش درتي ليها علااش رجعتي الى وقعات ليها شي حاجة واحق ربي المعبود تاندمك ، او بزاااف ....