عشق مسحات دموعها كاتحس بلي كرشها كاضور و كاتهضم راسها ماكلاتش لمدة 8 ايام وجهها ولا صفر عينيها ولاوا داخلين
عشق :( غوتات ) صاافيي سككتووا سكتتوااا أنا مادرت ليييه واالوو واالووو ( هزات صبعها )و هو كون كان عايش كان غايحاسبكم واحد بواحد هادي هي الأمانة ( كاتصفق ) برافو عليكم ماعرفتتووش تاا ظروفي و حكمتوواا علياا براافوو قيس مات الجسد ديالو أما روحو فراها ساكنة فينا كلنا روحو ماماتش واش فهمتوااا
كلهم نزلوا راسهم للأرض
عشق : مالكم نزلتوا راسكم هضروا زيدوا باقة شي حاجة ماخرجتوهاش هادشي كولو هازينوا من جهتي
جدها كايحاول ايهضر مشات عندو جلسات على ركابيها باست ليه ايديه
عشق : جدي آش واقع ليك
عايدة : جدك ابنتي جاتو سكتة قلبية قلبو ماقدرش ايتحمل هاد الصدمات و خاصو عملية هاد العملية غالية بززاف و سبيطار واحد هو لي كايدير هاد النوع ديال العمليات ولكن بعيد بزاف درنا الطلب وباقي خاصهم ايردوا علينا
جدها كايحاول ايحرك فمو هز ايديه بتثاقل بزز باش حطها على راس عشق
عشق بتاسمات بانكسار او ناضت
عشق : كولشي غايتقاد كولشي غايرجع كيما كان
سليمة :( كاتبكي ) رجعي ليا ولدي انا مابغيت والو بغيت غا ولدي ايرجع باقي ماشبعت منو و مافرحت بيه
قيصر واقف فالباب كايراقبهم واحد بواحد كايحس بالفرحة حقق اول نصر ليه غادي و كايضمر العائلة كيما بغى
عشق : ( كاتقلب بعينيها ) فين جدة و فين شفيق
عايدة :( نزلات راسها ) جداتك راها فسبيطار داىت عملية و باباك راه فالحبس
عشق :( ناضت وقفات ) كيفاش اش واقع لجدة و للوالد قولي
قيصر : ( قرب لعندها ) باباك لقاوه كايدير صفقات غير قانونية
عشق :( كاتحرك راسها ) لا مايمكنش بابا مايديرهش هاكة مايمكنش
مشات خرجات بغات تبعها عايدة و حبسها قيصر
قيصر : انا غانتكلف بيها
تبعها لقاها غادية شادة فكرشها
عشق :( كاتشوف فالسما ) يا ربي آش هاد شي قيس علاش مشيتي وخليتينا مشيتي بلا ماتسلم عليا هادة هو الحب بالنسبة ليك ( سكتات واحد شوية ) علاش تابعني بعد مني
قيصر :( وقف حداها ) بغيت نعرف فين غاتمشي مابغيتكش ديري نفس الشيء و تلوحي راسك من شي جبل
عشق : ( ضرباتو لصدرو ) آاااش بغيتيي منني آشش دددرتت لييك علااش دخلتيي لحيياتتيي سييررر كان خاصك تمشي نتاا مابقيتش بغيت نشوف كمارتك
أنت تقرأ
المصارعة المراهقة _قلوب أرهقها العشق_
Actionهي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
