مشات عشق دازت على بيت جدها لقاتو ناعس غطاتو و باستو
كانت دايزة بان ليها ضو شاعل مشات لبيتها لقاتها واقفة دخلات عندها
مجدة :(خبات ايدها وراها ) عشقق آش باقي مفيقي
عشق : ( قربات عندها ) مالكي اش مخبية من وراكي علاش تخلعتي
مجدة : لأ والو ماكاينة تا حاجة
عشق :( ضورات يد مجدة ) اوى آش هاد شي ديالاش ( شافت فيه ) مجدة واش هادشي ديالك نتي حاملة
مجدة :( جلسات فوق الناموسية ) آه
عشق : شكون هادا شكون هادا لي درتي معاه هادشي
مجدة : ببدر
عشق : ( تصدمات ) بدر كيفاش
مجدة عاودات ليها على كولشي
عشق : ونتي بغيتي تتزوجي بغسان نتي ماكاتبغيهش
مجدة :( ضحكات ) على أساس بدر كايبغيني
عشق : بدر غايتحمل المسؤولية و هو لي غايتزوج بيكي أنا متأكدة بلي ماعارفش ولكن فاش غايعرف غايفرح هو كايبغي دراري الصغار
مجدة :( ابتاسمات ) ولكن انا بغيتو يبغيني ماشي ايتزوج بيا على قبل باش ايحمي راسو من العار
عشق :( ناضت ) ونتي اش باغة ديري بغيتي ولدك ايتزاد ويعيط لواحد خر بابا فاش غاتعرف الحقيقة كيفاش غاتواجهيه كيفاش غاتواجهي بدر و عائلتك ماتغطيش غلط بغلط آخر
خرجات عشق و فبالها غاتهضر مع بدر ترجع ليه عقلو
داز الليل و طلع النهار فاقت عشق
قضات امورها لبسات حوايجها جات بغات تخرج او دازت فشي حاجة كان صندوق هزاتو و دخلاتو لبيتها حلاتو لقات فيه كسوة كحلة
سمعات صوت شي تيليفون كايصوني بقات كاتقلب على الصوت ولقاتو كيفاش تا جا هاد التيليفون لهنا جاوبات
قيصر : صباح الخير
عشق : لي كايصبح عليك متأكدة غايدوز نهارو خايب بحالك
قيصر :( ابتاسم ) ايوى خاصكي تولفي
عشق : آش غانولف تاني ( تفكرات ) آه صافي
قيصر : هاد الكسوة بغيتكي تلبسيها ليوم
عشق : زوينة هادي واش تا حوايجي غاتتدخل فيهم من دابة بدينا
قيصر : أنا مابززتش عليك تلبسيها كايبقى اختيارك
عشق : واخة غانشوف كي ندير ليها بلاتي نتا ايمتى جبتي هاد التيليفون لهنا وكيفاش عرفتي بلي راني فقت ( بقات كاتشوف فالبيت ) يااك مادااير ليا كاميرة جاوب
قيصر :( ضحك او قطع )
عشق : ( شافت فالتيليفون ) قطع عليا ولد الحرام الكلب لاخر
أنت تقرأ
المصارعة المراهقة _قلوب أرهقها العشق_
Azioneهي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
