بقات كاتفكر تاقطع حبل افكارها مجدة لي جات جلسات حداها كانت العائلة كلها تقريبا طلعات
جات حداها او هزات التيليفون لقاتو مطفي شعلاتو جات عينيها على صورة لي فيها بدر هاز عشق كانوا بجوج فرحانين لقات لكود او فكرات فحاجة وحدة هي سمية بدر قالت علاش مانجربش جربات سمية بدر او تفتح
مجدة : دايرة سمية بدر فكلمة السر
عشق :( طلعات راسها او تلاقات عينيها مع قيس لي كان جالس فوق الكانابي ساهي فيها كان مركز مع السؤال لي طرحاتو مجدة بقى كايتسنى فجوابها او تاهي بغات تهضر باش تشوف ردة فعلو ) اه دايرة سميتو
قيس غمض عينيه بقى كارز عليهم كان جوابها بحال الصاعقة الانسان ماكايدير سمية شي واحد فكلمة سرو الا وكيكون شي شخص مهم او فحالة عشق غايكون حبيبها ولكن من جيهة عشق فهي كاتعتابرو خوها وسندها فلحياة
قيس ناض من بلاصتو خارج للجردة
مجدة : سعداتك عندك حبيب بحال بدر كايبغيك وي خاف عليك باينة فعينيه
قيس وقف بالنسبة ليه اخر مرة غايسمع لعشق غايولي ايستاخدم اسلوب جديد باش ايحببها فيه وي عرف مشاعرها الحقيقية
عشق :( غمضات عينيها كاضحك ) اه عندك الحق سعداتي بيه حياتي بلا بيه كحلة هو لي عطى المعنى لحياتي او خلاني نتعلق بيه لدرجة النهار عندي ماكايدوزش ايلا ماسمعتش صوتو داير كي لبلية بالنسبة ليا ( سكتات )
قيس صدرو كايطلع وي نزل الحاجة لي مستحيل ايتقبلها هي انها تمدح واحد غيرو او فحضورو تجاوزات كاع الحدود لي دايرهم الى هنا وطفح الكيل صبر بزاف للتقلبات ديالها ولكن مابغاتش تفهم وتخدم ذماغها بدل الوجهة لباب القصر وخرج ليوم خاصهم ايفركعو الرمانة هو غايستاعمل طرق خرين
عشق :( كملات هضرتها بعدما تنهدات ) هو بحال خويا لي مولداتوش مي او ماكاينة تاحاجة من داك الشي لي فبالك انا وبدر علاقتنا علاقة اخوة
مجدة :( ضحكات تا بانت ليها ضرسة العقل ) حلفي حلفي ( تفكرات النظرات لي كايدير فيها هادوك النظرات كايدلو على انه كايبغيها او كثر ) ولكن راه كايبغيك باينة فيه
عشق : لا غير كايبان ليك انا وياه كبرنا مع بعضياتنا بحال لخوت مايمكنش ايبغيني حاجة مستحيلة
مجدة :ويلا كان كايبغيك الانسان ماشي بيدو ايبغي الله كايخلق فنفوسنا حب لاشخاص ماكايحسوش بقيمتو تا كايفوت لفوت ماشي نتي لي كاتختاري واش تبغي شي واحد ولا لا داك شي فوق طاقتنا
عشق : ايوا هاداك موضوع اخر لحب هادشي ماشي ديالنا فهاد المغرب ماكاينش الحب كاين غ راسي راسي الراجل كايبغي فلمرى غير لحو.. كايعتابرها وسيلة باش ايخوي فيها شهواتو ولكن كمرأة ماكايقدرهاش او ماكايعطيهاش قيمتعا الاساسية فلمجتمع الحب كان شحال هادي اما دابا مابقاش حيت حنا فواحد الزمان كلشي كايفكر فمصلحتو ( شافت فيها ) او نتي مالكي كاتهضري ليا على بدر ياكما كايعجبك ولا كاتبغيه
أنت تقرأ
المصارعة المراهقة _قلوب أرهقها العشق_
حركة (أكشن)هي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
