المصارعة المراهقة _قلوب أرهقها العشق_

part 60 (العودة )

بعد مرور أربع سنوات ....

واقفة كاتشرح فالعرض ديالها بكل ثقة و هي مصممة أنه هو لي غايكون لقات بنظرها لقيصر لي جالس كايتصنت ليها بكل اهتمام و هو مفتاخر بيها كان حاط رجل على رجل و يدو كايلعب بيها فلحية ديالو و شاد ستيلو بين يديه

تدخل واحد من المدراء

المدير : ولكن هادي مخاطرة كبيرة أرض بحال هاديك ماعندها تا قيمة فالسوق و حنا دخلنا ب 10 دمليون هادا ماشي مبلغ عادي

عشق :(وقفات و شدات الستيلو بيديها ) ولكن أنا كايبان ليا هاد التدخل ديالك غير صائب بصح الأرض ماعندها تا قيمة و لكن هي راه جات فبلاصة استراتيجية و هاديك 10 دالمليون لي دخلنا بيها راه مبلغ بسيط بالنسبة لينا مقابل ديك الأرض من هنا ل6 أشهر بحال دوك الأراضي هوما لي غايكونوا منتاشرين

قيصر : مادام عشق تقدري تشرحي لينا سبب التعلق ديالكي بهاد الأرض بالخصوص

عشق : كيما قلت جات فبلاصة استراتيجية و التراب ديالها مناسب للبناء ماغانحتاجوش نضيعوا الميزانية ديال إعادة زرع التربة الصالحة للبناء والسبب الرئيسي أنا كاتطل على الطبيعة و الناس فهاد الزمان كايقلبوا على الهدوء و يبعدوا من الصداع و مدينة مراكش خير بلاصة لهادشي

المدير : هاد الاستراتيجية أمادام عشق كانستعملوها من 4 سنين لحد الآن واش كاظني تا هاد المرة غاتنجح

عشق :(مشات لمعرض الصور و دارت واحد التصويرة لي كبراتها فالحيط ) نخليك نتا تلقى الجواب هادو أسهم الشركة لي طلعوا بطريقة كانظن ماشي عادية بهادشي خلينا كاع الشركات المنافسة يفقدوا الثقة فريوسهم ( مشات جلسات ) إلى عندك شي عرض آخر نوض قدموا لينا نشوفوه كي داير

المدير :( سكت ) لا

عشق : و إلى ماكانش عندك علاش كاتهضر من اللول ونتا ماعندك تا اقتراح

قيصر : كي كل مرة غادي نعولوا عليكي أمادام عشق الشافعي

عشق : ( ابتاسمات ) 4 سنين و كاع العروض ديالي كاتنجح تا هاد المرة ماغاتوقع تا حاجة توقف فطريقنا

شافت فيهم و هزات يديها

عشق : سالا الاجتماع كل واحد يرجع للمهمة ديالو و بغيتكم تجيبوا ليا كاع التقارير ديال ديك الأرض

ناضوا خرجوا و بقات عشق هي و قيصر

قيصر : منين كاتجيبي كاع هاد الثقة

عشق : ( بتساؤل ) كانظن تا حاجة ماناقصاني و طبيعي نكون تايقة فراسي

قيصر : هاد ربع سنين مابلوا فيك والو من غير الجمال ديالك و الغرور ديالكي

عشق :( ضحكات ) دابة نتا كاتسمي هادشي غرور ( ناضت ) راك غالط أنا عشق الإدريسي لي من ديما كاتوصل لداك شي لي بغات