شرقات الشمس و عشق ناضت حيت كلدانت دايرة تيليفونها باش تفيق حيت عارفة بلي أوس و توبة كايفيقوا بكري مشات بدلات حوايجها و حطات الحوايج لقيصر ومشات لبيت أوس و توبة لقاتهم فايقين و توبة كاتلعب مع أوس باست توبة بوسة دلغدايد
عشق : الله على ختي كبرات و ولات هي تقابل الدراري الصغار
توبة : ( ضحكات ) أنا غانولي بحالكي
عشق : واراه نتي من دابة بحالي غير تكبري علم الله كي غاتولي
أوس : ( باس عشق ) أنا غانولي بحال عمي قيصر زوين و عندي الشعر بحالو و فاش غانخرج كولشي غايبقى حاضيني بحالو و غانربي بززاف دالعضلات كثر من هادو و غادي ندافع علييكم
عشق : (هزاتو ) الله على البطل ديالي تسرحات ليه الهضرة ( شافت فتوبة ) آش كاديري ليه باش كايولي هاكة عطيني الوصفة السحرية
توبة :( ضحكات و تلاحت عليهم ) ماعرفتش
عشق بقات هازاهم بجوج و نزلاتهم لتحت شعلات ليهم التلفازة فالفناة ديال المصارعة داك شي لي كايعجبهم و مشات للكوزينة
عشق : خاصكي أعشق تخرجي الماهارات ديالكي يالاه وريني حداgتكي و وريني التربية د عايدة
هزات داك شي لي لقات قدامها و كاتحاول تفكر كيفاش كانت عايدة كاطيب قادات آتاي و سخنات الخبز و قادات شي حلوات و جبدات الزيتون و الزبدة و الكوفيتير و داك شي لاخر
باش دير هادشي دارت الروينة فالكوزينة و عمرات حالتها تا حسات بشي حرجكة وراها ضارت لقاتو ناصر مسند فالباب دالكوزينة
ناصر : وليتي حادgة مع راسكي من إيمتى تعلمتي طيبي
عشق : ونتا شكون ليgاليك بلي ماكنتش كانعرف نطيب
ناصر : ( ضحك ) راه باينة غير من هاد الحالة لي درتي باش طيبي جوج حلوات و براد ديال آتاي
عشق : يعني من gبيلة ونتا كاتراقب فيا و ماقدرتيش تجي تا نتا تورينا المهارات ديالك وا باز ليك
ناصر : أنا فاش شفتكي سحاب ليا ضربكي حمار النهار فايقة مع النبوري باش طيبي هادي معجزة
عشق :( غسلات يديها ) ماعرفتش علاش كاتهضر بحالا كاتعرفني من شحال هادي و كنتي معاشرني
ناصر : ماعرفتش يمكن عندكي الحق شكون لي عرف
عشق :( قربات عندو ) شوف أناصر ماتبقاش تهضر معايا بالألغاز حسن ليك داك شي لي باغي تgولو gولو ديريكت بلا ماتبقى دوخني على هاد الصباح
ناصر : أنا هضرتي هاكة و ماكاين تا ألغاز فيها باينة فيكي ذكية ولكن ماكاتعرفيش تفكري
عشق : نتا من وراك شي مصيبة و ماغانتهنى تا نفضحك هاد الدخلة لي دخلتي بيها لحياتنا من وراها شي حاجة و إلى مشى تا تآذى شي حد من عائلتي غاتكون نتا أةل متهم بالنسبة ليا
أنت تقرأ
المصارعة المراهقة _قلوب أرهقها العشق_
Actionهي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
