المصارعة المراهقة _قلوب أرهقها العشق_

part 31

عشق بانت ليها واحد البنية صغيرة كانت نسخة مصغرة ديال عشق نفس اللون ديال لبشرة و الشعر تاهي كان شعرها طوييل مدلي فوق الارض كانو حجبانها كثاف بحال حجبان عشق الاختلاف الوحيد هو لون العينين كانوا عينيها زرقين بحال لون عينين باباها كانت معاها واحد المرى زويينة او دايرة الحجاب و لابسة كسوة زرقة فنفس لون الحجاب ولون عينيها كانت باينة عليها ماماها كانت تا ديك البنت لابسة كسوة قصيرة فزرق الفاتح

       : تَوْبَة توبة بشوية عليك غاطيحي عنداك

توبة : لأح حليني اماما بيت نمسي عند حتي ايسك ، ايسك ايسك هاني زيت

عشق فتحات ليها ايديها جات كاتجري تلاحت عند عشق معنقاها كاتبوس فيها

عشق بقات مستغربة فهمات هضرتها كيفاش ختي عشق بقات كاتشوف فعايدة وشفيق كاتسنى منهم شي تفسير بان ليها باباها فرحان

الجد : اهلا ببنتي مروى غبرتي علينا

عشق تصدمات يعني هادي نفسها لي كانت سباب فضياع 13 عام من حياتها وحياة ماماها بقات كاتشوف فلعائلة كلهم فرحانين كأنهم نساوا داك الشي لي دوزات عليهم

كان فوجهها النور ماكاتبانش عليها وحدى من داك النوع لي يآذي الناس

مروى :( مشات باست لحاج فيدو و فراسو ) راه توبة يالاه شدات العطلة مني عرفات بلي جات عشق او هي مصدعاني باغا تشوف ختها او انا ماقدرتش نخسر ليها خاطرها

الجدة : خير مادرتي ابنتي فيناهوا سلامي

مروى :( جات كاضحك باست الجدة ) راك نتي هي الساس و الضو ديال العائلة

الجدة : واصبغيني اشويطينة

مروى : سلمات على gاع لي كاينين فدار الا الرجال كاتكتافي بإلقاء السلام

عشق بقات غامصدومة كيفاش وحدى فيها هاد الايمان كلو او تا السلام ماكاتسلموا على الرجال تجي تشتت عائلة على قدها

وصلات مروى عند شفيق

مروى : السلام خويا شفيق

عشق جاتها الضحكة

عشق :( كاضحك باستهزاء كانت باقة هازة توبة ) الراجل شابع فيك حوى او كاتعيطي عليه خويا

جا بغى يجاوبها شفيق لي ماعجباتوش الهضرة ديال عشق ولكن سبقاتو مروى لي هضرات بواحد الصوت رقيق او زوين كايخليك تحس بالراحة فاش كاتسمعو

مروى : انا متفهماك ابنتي عشق كون كنت فبلاصتك مانتقبلش نشوف وحدة لي بسبابها ضاعت حياتي او تشتتات عائلتي ولكن انا كانحلف ليك بالله بلي تبدلت مابقيتش هاديك البنت الطايشة لي هدفها فلحياة هو تخلي الشخص لي بغاتو فمراهقتها يولي ديالها انا راني تبدلت او تبت او كانتمنى تتقبليني من قلبك انا جبت ليك ختك هي ماليها تاذنب فغلط رتاكباتو ماماها انا كانتمنى تتقبليني ويلا ماتقبلتينيش على الاقل تقبليها هي