المصارعة المراهقة _قلوب أرهقها العشق_

part 34

هاد الصرخة كانت خارجة من اعماق قلبو مايقدرش ايكمل حياتو بلا عشق شحال تخيلها بفستان الزواج ويتزوج بيها و يقول للعالم عشق ملكي ملك قيس بوحدو مايمكنش تسالي قصة حبو بهاد الطريقة ماضربش حساب لهاد الشي وبلي القدر ايقدر ايفرقهم بعد ماجمعهم من بعد 13 عام

ضار ايديو على قلبها ماكاينش النبض ولكن كاين امل هزها بين ايديه او لي داز من حداه كايتأسف على حالهم على حال بنت بعمر الزهور باقي ماشافت والو فالدنيا وعلى حال عاشق لي مايقدرش ايصبر على موت حبيبتو طلعها فطوموبيل او انطالق بسرعة فائقة للمستشفى عينو غير على عشق ماعرفش راسو ايمتا ركب ولا ايمتا وصل للسبيطار دخل كايغوت وي عيط على الاطباء

جا واحد الطبيب و الممرضات كايجريوا ما عرفوا واش ايديوها فوسامة قيس وحاذبيتو الخاصة بالاخص هو موري ليهم خيرو كامل ولا فعشق دوك الممرضات دخلوا عشق لغرفة العمليات

الطبيب : مستحيل تعيش النبض ديالها متوقف

قيس شدو من لكول ديالو طلعوا لفوق خلاه كايفركل تخنق او النفس تقطعات ليه ولا ززرق

قيس :( كايغوت بعصبية ) ععيشق ماغاتموتش فهمتي ماغاتموتش مستحييل تمشي و تخليني ( دفعو تا جا للارض بقى كايحاول ايتنفس ) جييبو دابا شي طبيبة ونتا ماغادخلش عندها

خرجات واحد الممرضة : حنا غانفقدو المريضة مايمكنش نخاطرو بحياتها ونزيدو نتعطلو

جات واحد الطبيبة خاصها دير عملية

الطبيبة :( شافت فطبيب ) نتا سير عند الغرفة رقم 23 و انا غانتكلف بهاد المريضة

مشا داك الطبيب او هو كايحمد الله وي شكرو حيت كون ماتت على ايديه هو متأكد كان غايتبعها

الطبيبة : انا غانقول ليك بلي مستحيل تعيش ما عليك غير دعي حنا غانحاولو

قيس :( طلعها من لكول ديالها ) كانقسم ليك فمي بالله وتوقع ليها شي حاجة غانريب عليكم كووولكم هاد السبطار فوق راسكم ونبني فوقو مقباارة

الطبيبة :( كاترعد ) كح كح صصافي وااخا غاتعيش غير طلق كح كح

طلقها طارت من حداه دخلات دغيا

قيس سمع صوت ديال بدر

بدر لي كان سمع صوت الباب او تبعهوم الطوموبيل ديالو خسرات جا كايجري على رجليه

دخل لمستشفى كايجري كل حيط كان غايدخل فيه تا كايطاكي بيديه

بدر : ععييشق

تسمع صوت من وراهم كان صوت عايدة كاتغوت بنتي فين بنتي و شفيق كايصبر فيها وجهها عامر دموع

عايدة : :( كاتبكي ) هئ هئ فين بنتي جيبو ليا عشق عييشق (،مشات عند قيس كاضرب ليه فصدرو ) هئ هئ قيس عافاك قول ليهم ايجيبو ليا بنتي هوما غايسمعوا منك هئ هئ