المصارعة المراهقة _قلوب أرهقها العشق_

part 17

عشق : تفو هاتشو يخخ هاني طالعة نبدل حالتي

طلعات او خلات من وراها تسونامي

عشق بدلات حوايجها نزلات مالقاتش لعائلة كاملة هاد العائلة عندهوم كولشي منظم او محدد النعاس بوقتو لماكلة بوقتا كولشي بوقتو جات عشق قلبات ليهم كولشي

عايدة : هاد النهار نعسي معانا ابنتي

عشق: لا حشوما من صباح او الواليد كايغمز فيك وي قرص و انا نجي نخسر ليه لمشاريع

عايدة :( ولات حمرة كاتحشم واخة من بنتها ) كوني تحشمي

عشق : اويلي مالكي حشمتي بحالا اول مرة راه عادي

شفيق :( ضربها ضربة خفيفة لراسها ) طلعتي كاتشبهي ليا

عشق : عارفة ديما كانت كاتقولها ليا لواليدة

جات الجدة : ابنتي راه صاوبت ليك بيت بينما تقاد ليك بيتك

عشق مشات عندها باستها : شكرا اجدة

الجدة : العفو ابنتي هاني مشيت غدا تابعنا شلا مايدار ، لي طلبتيها و حليتي عليها فمك كيما كانت غاتحضر ليك

عشق : انا مابغيت والو كولشي عندي الحمد لله

كولشي مشى لبيتو عشق ما جاهاش النعاس هي من النوع لي مستحيل تنعس فغير بلاصتها ولا فراشها بقات كاتقلب او ماجاهاش النعاس ، خرجات من بيتها دازت من حدى بيت واليديها سمعات شي اصوات

عشق : اعوذ بالله تاشرفو عاد حماقو

مشات للجردة لبلاصة مافيهاش الورد نعسات دارت ايديها ورى راسها كاتستمتع بمنظر النجوم لي فسما

حسات بشي حد جا نعس حداها عرفاتو قيس غامن ريحتو

عشق : تا نت ما جاكش النعاس

قيس :( كايشوف فسما ) اه ، فاش كاتفكري

عشق : كانفكر فحياتي الجديدة لي لا علاقة لها بلقديمة صعيب نتعايش فهاد الاجواء هادي ماشي انا ، انا خليت حياتي الحقيقية ورايا

قيس : لا بلعكس هادي هي حياتك الحقيقية ما شفتيش الفرحة فهاد الدار ، الفرحة لي مشات هادي 13 سنة رجعتيها خاصك تبقاي وسط عائلتك او ناسك

عشق : او نت اش جابك لهنا

قيس : جابني العشق

عشق بدات كاضحك

عشق : فيناهيا ليلى

قيس : هاهي حدايا

بقات هضرة تجيب هضرة تا نعسات عشق

قيس كان كيهضر تالقى راسو كايهضر بوحدو عرفها نعسات

هزها او داها لبيتها حطها بقى تما كيدوز ايديه على وجهها بحالا كايحفظ ملامحها زينها فشكل شخصيتها علااام كولشي فيها كايجذبك بلاما تحس كاتلقى راسك كاتبغيها

السؤال لي فبال قيس واش غايقدر ايخلي قلبها ملكو ؟

بقى شحال تاوذن الفجر او طلع ضو النهار مشى لبيتو ايرتاح شوية

لعائلة كلها فاقت تاعايدة فاقت مدكدكة شفيق فذى فيها 13 عام كاملة

لعائلة مشاوا ايفطروا مابغاوش ايفيقوا عشق او قيس

قيس فاق نعاسو خفيف دغيا كايطير مع الصداع ، طل من السرجم بانو ليه ناس جايين غاديين عرفهوم كايوجدو لحفلة عشق

عشق تاهي ضرباتها الفيقة كادير المخدة على راسها او والو الصداع مانقسش

قضات شغلها او بدلات حوايجها حوايجها لبسات سبرديلة فيها قاعدة خايبة ماكاتسدش السيورة مزيان ديما ماماها لي كانسدهوم ليها ولا كاتلبس شي سبرديلة اصلا سيورة ديالها مسدودين

نزلات مع الدروج كاتصفر او تغني

عكلوها سيور السبرديلة كانت دايرة ايديها فجيوبها ماكان عندها كي دير باش طاكي على الارض غمضات عينيها كاتسنا الضربة

كما لو نزل من السماء ، نعم ياسادة انه قيس ، قيس مد ايديه شدها قبل ماطيح جرها خشاها فصدرو كان خايف كثر منها

لعائلة كولهم حبسوا الماكلة تخلعوا فاش شافوها غاطيح

قيس كايدوز ايديه على شعر عشق : ماتخافيش

عشق بعدات منو وجهها عادي ما فيه تا نقطة دلخلعة بحالا ماشي هي لي كانت يالاه غاطيح : علاش غانخاف ؟ ماوقع والو ابطلي

قيس و العائلة تفاجئو من ردة فعلها حمقة لكل الكلمة من معنى

قيس نزل للارض او سد ليها سيورة السبرديلة تحت دهشة الجميع كايعاملها بحال بنتو بسباب فارق السن هو غايحاول ايعيش مراهقتو معاها غايحاول ايخليها تبغيه لا هو ماغيحاولش غايخليها تبغيه

____________________