شفيق تصدم من اسلوبها او نظرة فعينيها لي واخا لمشاكيل لي واقعة سحروه او حلف بلي بجمال عينيها عمرو ما شاف ولا سمع بيه
شفيق هز عايدة اصلا لمدرسة خاوية كلشي ملاهي مع الموحد داها لطوموبيل لي فاش شافتها عشق استغربات حيت هي نفسها طوموبيل لي كانت كاتبعها من شحال هادي
فتح ايهم الشيفور الباب دغيا ، شفيق خدا الساروت او تاجه فسرعة خيالية لاقرب مستشفى داوها دخلوها للغرفة
بقات عشق او شفيق برا حدا الغرفة
عشق جالسة فوق الكرسي كتلعب فسنسلة لي فعنقها بتوتر هي ديما فاش كاتسنا شي حاجة ولا كتتوتر كاتبقا تلعب بيها هاد السنسلة كاتعطيها الطاقة و الشجاعة هاد السنسلة لي من وراها قصة عشق او حب كبيرة غاتعرف مع الوقت
شفيق جا جلس حدا عشق شد فيديها عشق مافيها مايتناgر مع شي واحد لي فيها كافيها
شفيق:(بصوت مخنوق حابس البكية) انا ابنتي عمري تخليت عليكم وقع غلط فلماضي ،انا وماماك بيناتنا حب كبير لا الزمان و لا المكان ولا لعمر غيقدر ايوقفو انا لحد الساعة كانبغيها
عشق حسات بصدقو او خوفو من طريقة هضرتو
شافت فيه بعينين باكيين ، بحال شي قطة مع دوك العينين لي سحروا الاب ديالها
عشق:علاش خليتينا ، علاش
شفيق: ماماك فهمات كلشي غلاط ، قبل من 13 عام كنا عايشين فرحانين او هانيين ما كناش عارفين باي كاينين ناس لي كيتآمروا علينا باش ايفرقونا كانت عندي واحد بنت عمتي كانت كتبغيني ديما ماماك كانت كتحذرني منها فواحد لوقيتة ولات كتعطيني واحد الدوى لي كيخليني نتخذر وليت مدمن عليه اي حاجة كاتقولها ليا كانفذها بلا مانحس حيت تأثيرو كان قوي بزاق، كانت كاتآمرني نضرب ماماك ، كنت كانضربها او نعذبها او هي كانت صابرة كاتتحملني ، واحد النهار دازت من حدا بيت مروى لي هي بنت عمتي او شافتنا فشي وضعيات ماشي تال تما ، ماشي غير هاد شي ، ماماك سمعاتني كنقول ليها بلي غنطلقها او غنمرمدها فزناقي او غاناخدك منها هي مشات هربات بيك مروى كتبات ....
أنت تقرأ
المصارعة المراهقة _قلوب أرهقها العشق_
Actionهي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
