Hindi ako makawala
Sa mundo walang makita
Tila isang agilA
Na nakakulong sa hawla
Nakaririmarim
Mundong madilim
Oh kay lungkot
Nakakatakot
Bakit Sabi nila
Mundo raw ay maganda
Ngunit nasaan
Bakit hindi ko makita?
Minsan nga ay naisip
Na mundo'y lisanin
Upang problemang bitbit
Ay panandaliang limutin
Bakit ako pa
Ang di pwedeng makakita?
Ng damo raw na berde at
Rosas na pula
Bakit ako pa?
Bakit ako pa?
Ang tanong ko't sigaw
Ngunit sagot ay wala
Ang hirap ng sitwasyon
Kung saan ako naroon
Kaya palaging tumatangis
Sa mundo'y naiinis
Alam kong mali
Na ako'y mapoot
Sa mundong sabi ko
Na puno ng lungkot
Dahil lahat naman
Ay malayang tumawa
At kahit bulag man ako
Ay pwede ring sumaya
__M'm3_
