L-A-B-A-N
Lubid na nakatali sa aming mga kamay
Hindi kami ang may kasalanan ngunit bakit tila lahat kami ay nakaposas ang kamay?
Nanahimik naming mundo ay bigla mong ginulo
Dilim ang s'yang idinulot, takot ang s'yang dala mo
"Ano na ang balita?", "Ano na ang nangyari?"
Hindi na mapakali, COVID19 ang binibigkas ng marami
Tumataas na presyo ng bilihin, walang giyera ngunit maraming buhay ang nasawi
Mga doktor, health workers, frontliners na sa tuwina'y nakikibaka, hindi na alam kung pa'no pa ngingiti
Bangon lang, Pilipino! 'Wag kang panghihinaan!
Atin ding madadaig, itong kalabang 'di pa masolusyunan,
Traydor na kalaban, COVID19 ang ngalan
Magtiwala lang tayo sa Amang Makapangyarihan
Alisin na ang takot, burahin na ang lungkot
Ngiti ang ipalit sa mga mukhang nakasimangot
Huwag kayong matakot, Kaya natin 'to!
Kapit-bisig lamang, sapagkat tayo'y Pilipino!
Ngayon na ang panahon, hindi bukas, o sa sunod na taon
Huwag nang patulog tulog pa, halina't bumangon-
Tayo na't magkaisa, sama-sama nating solosyunan itong epidemya
Maging masunuring mamamayan, alam kong lahat tayo'y may magagawa!
_meanieMe
