Unicode
ကျွန်တော် wp ကို စသုံးကာစတည်းက ခင်ရတဲ့....အချင်းချင်းအားပေးခဲ့ကြတဲ့..အစ်မ @chittulay
အတွက် မွေးနေ့လက်ဆောင်ပါ။ မနေ့က သူ့မွေးနေ့အမီရေးတာ ပျက်သွားရယ် ခုမှ တင်လိုက်ရတာ..😊
အစ်မရေ "Happy Birthday ပါဗျ 🎂🎂"
ကျွန်တော့်အကြွေးကို မဆပ်ရသေးဘူးနော်...ဟင်းဟင်း 😉😉
_______________________
စောင့်စားခန်းတွင် ထိုင်၍ ဆေးကုသမှုခံယူနေသည့် ကျန်းချန်၏ထွက်အလာကို စောင့်ရခြင်းသည် အန်းလျန်ကြုံခဲ့ဖူးသမျှ ကိစ္စတို့တွင် အခက်ခဲဆုံးထဲကတစ်ခုပင်ဖြစ်သည်။
သူသည် ကူနိုင်ခြင်းမရှိသော်လည်း အပြစ်ရှိသလို ခံစားနေရလေသည်။
'သူ့စကားကို နားထောင်ပြီး စောစောကတည်းက လှည့်ပြန်ခဲ့ရင် အခုလိုကိစ္စတွေ ဘယ်တော့မှ ဖြစ်လာမှာ မဟုတ်ဘူး။ ငါ့ကို ကာကွယ်ပေးရလို့ သူ ထိခိုက်ရတာ ပြောနေစရာကို မလိုဘူး။ '
စိတ်ပူနေသော နာ့စ်အချို့က မျက်ရည်တို့ ကျလုမတတ်ဖြစ်ကာ မျက်နှာကလည်း ဖြူဖျော့နေသော အန်းလျန်အား အဆင်ပြေတာသေချာသည်ကို သိရဖို့် မကြာခဏလာရောက်ကြည့်ရှုကြသည်။
သူတို့က သူ့အား တည်ငြိမ်သွားစေရန် နို့ပူပူတစ်ခွက်နှင့် စောင်တစ်ထည်ကို ပေးလေသည်။ တဖြည်းဖြည်းနှင့် ခြေကုန်လက်ပန်းကျခြင်းက သူ့အား အနိုင်ယူသွားပြီးနောက် အန်းလျန်သည် ခုံတန်းရှည်ပေါ်တွင်ပင် အိပ်ပျော်လို့သွားသည်။
ကျန်းချန်က ကူသမှုပြီးချိန်တွင် သူ၏လက်အား ပတ်တီးဖြင့် စည်းထားခြင်းကို ခံရပြီး ဆရာဝန်က ထိခိုက်ဒဏ်ရာအတွက် တစ်ရက်လျှင်တစ်ကြိမ်ကျ လူးရန် လိမ်းဆေးတစ်မျိုးကို ပေးလေသည်။ ပြန်ထွက်အလာ အန်းလျန်က ခုံတန်းရှည်ပေါ်တွင် အိပ်ပျော်နေသည်ကို အတွေ့ သူ၏ရင်တွင်း၌ ခံစားချက်တို့က လိပ်၍လိပ်၍တက်လာရတော့သည်။
ထိုခံစားချက်က ဘာဆိုသည်ကို ရေရေရာရာမသိသော်ငြား ယခု သူ့တွင် ဖြစ်ပေါ်နေသော အပြင်းပြဆုံးခံစားချက်တစ်ခုကတော့ ထိုကောင်လေး၏တစ်ကိ်ုယ်လုံးကို သိမ်းဖက်ထားလိုခြင်းပင်ဖြစ်သည်။
ESTÁS LEYENDO
ကမ္ဘာကြီး ဤလောက်တောက်ပမှန်း ဘယ်တုန်းကမျှမသိခဲ့
Novela JuvenilI never knew the World was this Bright original author - Lights-kingdom (Translated by authors' permission.) ------------- Prologue(Unicode) အန်းလျန်အနေနဲ့ Red Dragon Quest ကို စတင်ဆော့စဉ်အခါက online ကနေတဆင့် သူငယ်ချင်းတွေလုပ်ရမယ်လို့ တစ်ရံဆစ်မျှ မတ...
