ကမ္ဘာကြီး ဤလောက်တောက်ပမှန်း ဘယ်တုန်းကမျှမသိခဲ့

34. You like her right?

Unicode

"Happy Thingyan's 3rd Day"

~လျှောက်လည်ကြသူတွေ အန္တရာယ်ကင်းပါစေ~

~ဥပုသ်သည်လေးတွေလည်း ကုသိုလ်များကြီးရပါစေ~

~အိမ်တွင်းပုန်လေးတွေလည်း ကိုယ်စိတ်ရွှင်လန်းကြပါစေ~

👉ဒါနဲ့ လမ်းလျှောက်သင်္ကြန်မှာ အလှဆင်ထားတဲ့ ထီးကလေးတွေ လျှောက်မဖြုတ်ရဘူးနော်....ကိုကို မကြိုက်ဘူးသိလား 😉

_______♥________

နောက်တစ်နေ့ အန်းလျန်နိုးလာချိန်အထိ ကျန်းချန်က သူ့အိပ်ယာတွင်ရှိနေဆဲဖြစ်သည်။

သူသည် ကျန်းချန်ကို မနိုှးချင်သဖြင့် အတတ်နိုင်ဆုံး အသံမထွက်ရစေဘဲ ကျန်းချန်၏အိပ်ယာကနေ ဆင်းလိုက်သည်။

(TN. တို့ရဲ့ အင်နိုးဆန့်လေးက ညက အတူမအိပ်ပါဘူးတဲ့။ ဟို ကိုယ်တော်က သူ့အိပ်ယာအပိုင်စီးထားတော့ သူက အပေါ်ဆင့်က ကျန်းချန်ရဲ့အိပ်ယာကို တက်အိပ်ပါသတဲ့)

မနေ့က အလုပ်များနေသည်ကြောင့် အန်းလျန်သည် သူ့ကိုယ်ပိုင်ပစ္စည်းများအား မထုတ်ပိုးရသေး၊ သန့်ရှင်းရေး မလုပ်ရသေးပေ။ သို့နှင့် သူက စတင်၍ ပစ္စည်းများကို ရွေးချယ်ထုတ်ပိုးတော့သည်။ သို့သော်ငြား သူ၏အလုပ်ကို သူ၏ဗိုက်က အော်ဟစ်ဆန္ဒပြ၏။ သူ ဘာမျှ မစားရသေးပေ။

သူက သူ့ကဒ်ကို ရှာ၍ အိပ်ကျန်ခဲ့သော ကျန်းချန် ၏ပုံကို တစ်ချက်စောင်းငဲ့ကြည့်ကာ
အခန်းထဲမှ တိတ်တဆိတ်ထွက်လိုက်သည်။

Cafeteria ကိုရောက်တော့ ရိုးရှင်းသည့်စားစရာပဲမှာကာ ထိုင်စားလိုက်သည်။

ကျောင်းသားအများစုကလည်း အိပ်ယာမထကြသေး၊ အချို့ကျောင်းသားများကလည်း အားလပ်ချိန် မိသားစုများဆီသို့ပြန်နေချိန်ဖြစ်၍ cafeteria လေးက ယခင်ကလို စည်ကားမှုမရှိ။

ထိုတိတ်ဆိတ်မှုကို အခွင့်ကောင်းယူ၍ အန်းလျန်သည် သူ၏စိတ်ကိုရှင်းသွားစေရန် ရည်ရွယ်ပြီး ဖြစ်ပျက်ခဲ့သမျှကို အကျဉ်းချုပ်သုံးသပ်လိုက်သည်။

'အင်း.. ကျန်းချန်းက နည်းနည်းတော့ ထူးဆန်းတယ်'

'သူ့စိတ်ထဲ ဘာတွေများခံစားနေရလဲ မသိဘူး...မနေ့ကဆို ကြောက် ကြောက်စရာတောင်ကောင်းသေး...ဘာလို့များ သူ အဲသည်လို xxx မျိုးတွေ လျှောက်လုပ်ရတာလဲ'