Unicode
Happy Birthday ပါညီမလေး..
__________
အန်းလျန်၏ စိတ်ခံစားချက်တွေ ရှုပ်ထွေးလို့နေသည်။
တစ်အချက်ကတော့ ဂိမ်းထဲမှာ ဒုတိယအကြိမ်မြောက် မုန်တိုင်း၏ဇနီး ဖြစ်ရခြင်းနှင့် နှစ်အချက်တော့ ရှေးမဆွက ကြုံခဲ့ရသည့် ကျန်းချန်နှင့်သူ့ကြားက ကိစ္စတွေကြောင့်ဖြစ်သည်။
ရှက်ဖွယ်လိလိ မဟုတ်ပါလား?
ဤအကြောင်းတွေကို မည်သို့ဖြေရှင်းရမည် သို့်မဟုတ် မည်သူ့ကိုပြောပြရမည် စသည်ဖြင့်လည်းအန်းလျန် မသိတော့ချေ ။
ခံစားချက်မျိုးစုံ ကြိုးခုန်သည့် ယခုလို တဒင်္ဂမျိုး ယခင့်ယခင်က အန်းလျန် မကြုံဘူးခဲ့ပေါင်။ ဘွင်းဘွင်းနဲ့ရှင်းရှင်းပြောရရင် အားလုံးဟာ သူ့အတွက် အသစ်နဲ့အဆန်းချည်းပဲ။ မကြုံးစဖူးတွေ.....။
အန်းလျန်သည် သတိလက်လွတ်ဖြင့် ပြဌာန်းစာအုပ်ကို ရင်မှာ တင်းတင်း ပိုက်ပြီး ကော်ရစ်ဒါတစ်လျှောက် တွေးရင်းငေးရင်း လျှောက်မိနေသည်ကိုမြင်လျှင် ရူလန်က သူ့ထံပါး ချဉ်းကပ်လာလေသည်။
"အန်းလျန်! အဆင်ရော ပြေရဲ့လားဟင်...ပုံစံက တဲတဲလေးကျန်တော့သလိုမျိုးနဲ့....." ဟု ရူလန်က စိုးရိမ်တကြီး မေးခွန်းထုတ်သည်။ သူမ၏အသံတွင်ကား စိုးရိမ်မှုတို့ချည်နှောင် တွဲယှက်နေပါ၏။
အန်းလျန်ကတော့ သူ့ကမ္ဘာငယ်လေးထဲမှာ မျောနေသည့်အတွက် ရူလန့်အမေးကို နားလျှံတော့မလို ဖြစ်သွားသည်။
အန်းလျန်: " အင်း..အင်း....အဆင်ပြေပါတယ်။ ငါ တွေးနေတာ။ ငါ့စိတ်ထဲမှာ အဲဒါတွေချည်းရောက်နေလို့"
ရူလန်: "နင် တစ်ခုခုပြောမပြချင်ဘူးလားဟင်? သိရဲ့လား စိုးရိမ်စရာကို ဝေမျှတာက အစိုးရိမ်တစ်ဝက်လျော့စေတယ် တဲ့"
အန်းလျန် ရူလန်ကို ပြုံးပြလိုက်သည်။ သူ့ရဲ့အကြောင်းကို နားထောင်ပေးမည့် တစ်စုံတစ်ယောက် ရှိတာ သိပ်ကောင်းတာပဲ။ ဘယ်လိုဘယ်အကြောင်းကြောင့်ဟု မပြောနိုင်သော်ငြား ဤကလေးမကို အန်းလျန်ယုံကြည်မိသည်။ သို့ပေမင့် ပြဿ နာက.....သူ့ကိစ္စ ကို သည်မိန်းကလေးကို ဘယ်လိုရှင်းပြရပါ့။
YOU ARE READING
ကမ္ဘာကြီး ဤလောက်တောက်ပမှန်း ဘယ်တုန်းကမျှမသိခဲ့
Teen FictionI never knew the World was this Bright original author - Lights-kingdom (Translated by authors' permission.) ------------- Prologue(Unicode) အန်းလျန်အနေနဲ့ Red Dragon Quest ကို စတင်ဆော့စဉ်အခါက online ကနေတဆင့် သူငယ်ချင်းတွေလုပ်ရမယ်လို့ တစ်ရံဆစ်မျှ မတ...
