Unicode
Ch 48.1 Possessive husband
စနေနေ့၏ နံနက်ခင်း....အန်းလျန်အိပ်ယာမှနိုးလာသည်။ အောက်ဘက်ပိုင်းက စူးစူးရှရှနာကျင်နေတာပဲ သူသိသည်။ အဆစ်အမြစ်တွေ ကြွက်သားတွေလည်း ကိုက်ခဲလို့နေ၏။ နောက်ဆက်တွဲ အနေနဲ့ မသက်မသာဖြစ်မှုက အမျှင်တန်းလိုက်လာမည်စိုး၍ ခပ်ကြမ်းကြမ်းပင် မရွှေ့ဝံ့ပါပေ။
ကျန်းချန်လည်း ယခင်က ယောကျ်ားတစ်ယောက်နှင့် ထိုသို့မလုပ်ခဲ့ဖူးသည်ဖြစ်ရာ အလွန်စိုးရိမ်လျက်ရှိသည်။
တကယ်တမ်း ကောင်ကလေးကို ဒဏ်ဖြစ်မှုလျော့ပါးစေရန်
မည်သို့မည်ပုံ လုပ်ရမည်ကို သူကြိုတင်၍ နှံ့နှံ့စပ်စပ်ရှာဖွေထားသည်ပဲ ဖြစ်သည်။ သို့သော်လည်း လက်တွေ့လုပ်ပြီးချိန်တွင်မူ သူလည်း မသေချာတော့ချေ။
အန်းလျန်၏ အလွန် မသက်မသာဖြစ်နေပုံကို သူမကြည့်ရက်။ ထို့ကြောင့် ကောင်ကလေးကို ပွေ့ဖက် အနမ်းပေး၍ ချော့မြူချင်သော်လည်း အန်းလျန်သည် လက်မခံဘဲ သူ့ကို အိပ်ယာပေါ်မှ လွင့်သွားအောင် ကန်ထုတ်လိုက်သည်။
ကျန်းချန်က သူ့ကို အန်းလျန်မုန်းသွားမှာ ကြောက်ပါ၏။ သူ အတော်ကြမ်းသွားလို့ဖြစ်မည်ဟု တွေးမိသည်။
အမှန်စင်စစ်....အန်းလျန်က ယခုလတ်တလော ပွတ်သီးပွတ်သပ်မနေလိုရုံသာ ဖြစ်သည်။
(TN. ဒီနေရာမှာ အာသာ က သူမဆိုရင်လည်း period ရောက်ချိန်ဆို တစ်ယောက်တည်းသာ နေချင်စိတ်ရှိပါတယ်တဲ့)
ကျန်းချန်သည်
ကြောက်ရွံ့ထူပူ၍ ထိတ်ထိတ်ပြာပြာဖြစ်သွားပြီး ထိုကိစ္စတွင် အတွေ့အကြုံအနည်းငယ်ရှိနိုင်သော သူသိသည့် လူတစ်ဦးဆီ ဖုန်းခေါ်ပါ၏။
ယွိမြောင်: " သေစမ်း မင်း အန်းလျန်ကို လုပ်ပြီးပြီပေါ့လေ..."
ကျန်းချန် ဖုန်းကို နားနှင့်ခွာလိုက်ရသည်။ ခေါင်းပင်ကိုက်သွားရ၏။
'ဆက်မိတာ မှားပြီထင်တယ်...'
ကျန်းချန်: "ငါ မင်းကို ဖုန်းခေါ်ရုံပဲရှိသေးတယ်...မင်းက ချက်ချင်းကောက်ချက်ချပလိုက်ပြီလား"
ESTÁS LEYENDO
ကမ္ဘာကြီး ဤလောက်တောက်ပမှန်း ဘယ်တုန်းကမျှမသိခဲ့
Novela JuvenilI never knew the World was this Bright original author - Lights-kingdom (Translated by authors' permission.) ------------- Prologue(Unicode) အန်းလျန်အနေနဲ့ Red Dragon Quest ကို စတင်ဆော့စဉ်အခါက online ကနေတဆင့် သူငယ်ချင်းတွေလုပ်ရမယ်လို့ တစ်ရံဆစ်မျှ မတ...
