رواية أكشن وإثارة غموض وتشويق ورومانسي🌸
ودي المقدمة
المقدمة :
من منكم بلا خطيئة؟!
من كان منكم بلا خطيئة فليلقني بجمر من النار
ولكن ماذا إن كنت أنا الخطيئة ذاتها.... وكان الجمر زادي
العالم المظلم عالمي... والشر يسري في دمي..... والقلب الذي أصابته...
-بابا أنت واحشني أووي💔 -أرجوك أطلع شوية.... شوية بس محتاجة أقولك سر وألعب معاك 😔 -ياارب أنت سامعني؟! ... أرجوك يارب عايزة أشوف بابا.... هو قالي لما أحتاج حاجة أطلب منك علشان أنت بتحبني وهتنفذهالي.... أنت بتحبني صح؟! 💔
-أنتي مين؟!
خوف ولهفة وقلق بعد ما سمعت صوت شق سكون المكان . رديت بألم -أنا حياة... ممكن لو سمحت ماتخلنيش أمشي... أنا عايزة أقعد مع بابا.
-ياحبيبتي أنتي صغيرة جدا... إزاي قاعدة هنا لوحدك.... أنتي جاية مع حد؟!
-لأ جاية لوحدي. ..... كده ياحياة تاني يابنتي تعملي كده وتدوخينا عليكي. -جدو أنا آسفة 💔 كنت محتاجة بابا بس مش لاقياه. التفت جدي للغريب اللي كان واقف معايا وقاله -أنا متشكر جدا ليك.... -على إيه بس مين الجميلة دي؟!
-البنت دي حفيدتي وللأسف كل شوية تهرب مني وتيجي المقابر وزي ما حضرتك شايف مكملتش ست سنين واحتمال يحصلها أي حاجة بسبب اللي بتعمله ده.
-أكيد البنت متأثرة بوفاة والدها....💔
قطع حوارهم ده ولد صغير كان واقف جمب الراجل الغريب تقريبا ابنه قرب ناحيتي وقالي -متزعليش كده.. بصتله فكمل كلامه وقالي: عايزه تكلمي باباكي؟! عينيا اتملت لهفة وقولتله اه -كلميه من أي مكان وهو سامعك متقلقيش -بس ده مش بيرد 💔 -مش مهم يرد المهم إنه سامعك ياحياة.... سمعتك بتقولي لبابا إن اسمك حياة.... اسمك حلو أوووي ابتسمت وقولتله: شكرا🌸 -خليكي دايما حياة للي حواليكي ياحياة ولو احتاجتيني في أي وقت كلميني مش مهم أرد المهم إني سامعك. ❤ .... يلا يا إبراهيم علشان نمشي قام الولد من قدامي روح مع والده وقبل مايمشي ادورلي وقال: أنا سامعك وباباكي سامعك اطمني دايما 💜 ************************************ 15 سنة مرو على اليوم ده.... قضيت حياتي كلها بكلم بابا وإبراهيم وأنا يقيني تام إنهم سامعني. نفسي أشوف الولد ده تاني بس للأسف فين وازاي؟! 😔
في يوم شتا كنت قاعدة في البلكونة بتاعتنا تايهه في كل حاجة سمعت صوت جدو - حياة❤ -نعم ياجدو 🌸 -عندي ليكي خبر مهم -خير؟! -جايلك عريس يووووووه تاني ياجدو هنفضل كده علطول. ...... قابليه المرة دي بس علشان خاطر جدو -ومين بقى الأستاذ؟! ابتسم جدو وقالي: جارنا الجديد رديت بغيظ وأنا بقوله: وهو جاي يسكن ولا جاي لأغراض تانية😂 -اسمه ابراهيم. بلمت شوية... شرايط كتير بدأت تعرض نفسها قدامي بعد ماجدو قالي اسم العريس. -عارف إنك بتعزي الإسم ده أووي ياحياة.. قابليه يابنتي علشان خاطري 😌 -حاضر ياجدو هقابله 🌸 -تسلميلي ياحياة ❤ ........................................................... دخلت أوضتي وقعدت أعيط معرفش ليه بس حسيت إني عايزة أعمل كده خرجت بلكونة الأوضة وبدأت اعمل هوايتي اليومية -إبراهيم أنت سامعني؟! أنا متأكدة إنك مش سامعني ومع ذلك لسة بحكيلك كل يوم 🌸 -وإيه اللي أكدلك بقى إنه مش سامعك؟! التفتت ناحية الصوت اللي كان جاي من البلكونة اللي جمبي.... ده الساكن الجديد أول مرة أشوفه لكن أكيد هو شافني بما إنه طلب يتجوزني بصتله بغيظ وقولتله: إنت ايه اللي حشرك؟! -براحتي ياستي أنا حر... حابب أتحشر في حياتك.... إيه رأيك تحكيلي أنا وتسيبيكي من إبراهيم اللي مش موجود ده. -أنت مجنون؟! -إنتي اللي مجنونة...على العموم لو حبيتي تحكي أنا موجود اندهي عليا وخليكي متأكدة حتى لو مردتش عليكي أنا سامعك... اطمني🌸 تنحت فجأة وفضل نظري كله في اتجاه اللي واقف قصادي في البلكونة ده لحد ماقالي : اوعي تنطي من البلكونة 😂.... تصبحي على خير ياحياة 🌸 ودخل وسابني مبقتش قادرة أجمع حاجة خالص كل اللي عملته إني دخلت وقعدت اتنطط زي العيال بالظبط❤ إحساس حلو أووي إني شوفته تاني.... بس، هو بقى غلس 😞😂 -بس أنا بحبه🌸 بحب الولد اللي قعدت أحكيله طول عمري وأنا على يقين تام إنه سامعني❤ -أنا هوافق عليه 🙌❤ ........................................................ صحيت تاني يوم ولبست علشان أنزل الشغل خرجت من أوضتي لقيت طبق توت كبير في الصالة -الله جدو جابلي توت ❤ قربت ناحية الطبق وقبل مااكل لقيت ورقة على الطبق بدأت أقرأها بالراحة: أدي الحياة للي حواليكي... -ياحياااة اتلفتت بسرعة لاقيته قدامي تنحت كالعادة -هنفضل متنحين كتير.... طب اشكريني حتى ع التوت ده 🌸 -أنت عرفت منين إني بحبه؟! -مش قولتلك أنا سامعك حتى لو مردتش 💜 -حتي عارف إنك بتحبيني كمان. -هنستخف بقى!! ... خلاص أنا همشى. -لأ استني .. ليه؟! -أصل أنا محتاجة أتكلم معاك وتسمعني بس عايزاك ترد عليا 😔 -مستعد أرد عليكي لآخر نفس فيا.... أنتي اللي اديتيني الحياة ياحياة 🌸 -أنا بحبِك ❤ -شكرا🌸 ضحك هو وجدو اللي دخل فجأة على ردي وقال لجدو: تسمح تديني حياتك؟! -والله لو القرار قراري هقول لا لكن هو قرارها والبت بقالها 15 سنة بتحكيلك يعني خدها معاك وأنت نازل😂 -أنا كنت سامعك دايما ياحياة🌸 -وأنا كنت مطمنة علطول يا إبراهيم 💜 تفائل دائما وأعلم أن هناك شخص ما ينتظر الله الوقت الأنسب ليهديك إياه 🌸 هناك بطل خاص لكل منا يقف بعيدا يراقبنا في جميع محطاتنا وينتظر تلك المحطة المناسبة حتى يعزف لنا ألحانًا من الحب والحياة❤🌸 #written_by_fatema_abdelmoneam_shafik يا مساء الورد على الحلوين 😂🌸 الحلوين بس اما بتوع التفاعل اللي زي الزفت دول مش هنقولهم 😒💔 بيقولوا في ڤلانين النهارده 😁🎁 بس احنا ملناش دعوه بالكلام استغفر الله العظيم ده 😂😂😂👐💔 احنا هنقرأ قصه صغيره من كتباتي تطلعكم من المود شوية وقلولي رأيكم 💘😍 و هابي ڤلانين داي لا لا لا قصدي سنظل صامدون 😂💔👐
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
