#لاتؤذوني_في_عائشة

(اقتباس من القادم ❤✨)

مساء الفل عليكم ✨❤
بوست مهم وفي اخره اقتباس من الفصل😂❤
ننبه تاني: في اقتباس في الآخر 😁

الفصل الجديد بكتبه هحاول انه يخلص النهاردة بس لو مخلصش هينزل بكره بإذن الله 🌸🌻

الرواية دي كانت ملحمة بالنسبالي... قصة أسطورية زي قصص الحواديت بالظبط اندمجت بالواقع فعملت الفرقعة والشكل اللي طلعت بيه واللي انا الحمد لله راضية عنه ❤

أنا كنت حاطة خطة ان الرواية بإذن الله هتخلص على اول سبعة ومع الأحداث الكتير دي بحاول ان الخطة دي تتنفذ... وان مع بداية الشهر الجديد تكون الرواية خلصت فعلا وهتكون كملت بالظبط سنة لأن اول فصل اتنشر يوم ٥ في شهر سبعة ✨🌸

طيب سؤال ناس بتبعت تسأله... هل في جزء جديد للرواية؟

هكون صريحة أنا عندي أفكار فعلا لجزء جديد... وأفكار مطرقعة وهتطرق لحجات مقدرناش نتناولها في الجزئين الأول والتاني بسبب دسامة الأحداث... وللعلم مش هيبقى عن أولاد حامي وعائشة علشان مبحبش الموضوع ده 😂
بس الجزء ده تنفيذه في الوقت الحالي هيكون صعب جدا... ممكن بإذن الله يكون في جزء تالت وده هيتحدد مع آخر فصل من التاني... لكن نزوله بعدهم مش هيحصل.. أنا عايزة افصل تماما من الرواية بعمل جديد يعجبكم وينجح بيكم إن شاء الله وبعدها نبقى نتطرق للجزء الجديد من لا تؤذوني في عائشة ❤.... مش عايزة حد من اللي بيبعت يزعل لكن حقيقي إطار حامي العمري أصبح مسيطر عليا بطريقة غريبة ومحتاجه أهرب منه علشان اقدر اكتب شخصية تانية يكون تكوينها مبهر زي تكوين الوحش كده 🌻😂

بشكر كل الناس اللي كملت معايا من البداية واللي استحملوني بكل ظروفي، وعذروا تأخيري اللي بيكون خارج عن إراداتي، واللي متأكده انهم هيدعموني في العمل الجاي، وبشكر برضو اللي انسحبوا وزهقوا وغلطوا في العمل لمجرد تأخير نزول فصل، وبشكر جدا جدا اللي انتقد العمل نقد بناء علشان يوجهني، واللي هاجمني علشان الاسم وعمل كتير وفي الآخر منالش أي حاجة غير ان ناس أكتر عرفت الرواية وقرأوها وعرفوا انها تستاهل الاسم ده ❤✨

الفصل من المحتمل يكون بكره بإذن الله لأنه كبير... وهنزلكم اقتباس منه اهو 👇

ظلام دامس حل على الأجواء... التقط أحدهم أداة الحفر وبدأ في حفر تلك الحفرة التي ستضم جسد من كُلفوا به.
انتهي من الحفر ليشير للإثنان معه... فسحبا ذلك الملقى على الأرضية والذي لم يكن سوى "عمر" وألقياه في هذه الدائرة الواسعة ليقوم قائدهم بدفع التراب ليغطي به جسده... ويغلق الحفرة عليه ناطقا بشر: كده تمام يارجالة... بلغوا الباشا انه حصل.

كفاية عليكم كده بقى 😂😂😂
يلا ليلة سعيدة 🌻❤😂

#لاتؤذوني_في_عائشة❤