#لاتؤذوني_في_عائشة

الفصل السادس والعشرون(بداية الهلاك)

مساء الخير الأول... كل سنة وانتوا طيبين❤❤
كنت وعدت ان في فصلين هينزلوا في رمضان ونزل واحد بس بعتذر عن تأخير التاني ولكن علشان يبقى على اتفاقنا التاني اهو ✨💜

حياة هل تعرف مما تتكون؟؟
الحب أولها والأمل ثانيها والروح وسكينتها أبهى ما فيها ولكن هل تعطي لنا فرصة؟!
هل تقبلنا في ساحات حبها بعدما استنزفتنا في ساحات الحرب؟! ...كنت أحب العتمة حتى رأيت النور فصارت العتمة مقبضة... أنا القلب الذي تعلم كل ماهو سيء ولكنه لم يتعلم كيف يعيش حتى آتت صاحبة الوشاح لتلقنه أسمى معاني الحياة.
لن ترحل حتى ولو نشبت المعارك وتجمع كل أهل الأرض ليطالبوا برحيلها عني.... سأحارب كل أهل الأرض لأجلها وستحبني الحياة لقد علمتني الأمل حتى صرت على يقين أن الحياة ستحبني كما أحبتني هي... ومن لا يقع في غرام من ذهب وجاء حتى صار دمه مصبوغ بالألم والأمل.
يا صاحبة الوشاح ستظلِ أسيرة للأبد.

فوضى عارمة وضجيج عال صدر من المطبخ وخصوصا عند قول صوفيا المعنف لعائشة : بنت كده غلط اللي بتعمليه ده غلط.

أردفت عائشة بسخط غاضبة : ياطنط مش غلط صدقيني مش أحسن ما الأكل يطلع دلع.

_نقوم نحط الملح كله ونفطر ونروح المستشفى... انتِ تعبتيني أنا اول مرة أدخل المطبخ هنا وطلعتِ عيني امال بتعملِ ايه في "هنا" ؟!

مطت عائشة شفتيها مردفة بتصنع الحزن : بقى كده ياطنط يعني انا غلطانة اني جبتك من اوضتك بدل القاعدة و الدكاترة ودخلتك المطبخ.

قطعت عائشة الحديث واخذت تستنشق الرائحة جيدا مما أثار استغراب "صوفيا" التي قالت: في ايه؟

أردفت عائشة بحب: شميت ريحة حامي بس هو مش هنا ومبيفطرش معانا كمان لو نزل الشغل.

ابتسمت صوفيا بحنان ومسحت على خصلاتها مرددة بشغف: بس انا حاسة انه هيفطر معانا النهاردة.

قفزت عائشة فجأة صارخة: ايه ريحة الشياط دي... الفراخ.

ضربت صوفيا بكفيها على هذه المجنونة واستدارت راحلة تعود إلى غرفتها تاركة عائشة ترى بحسرة ما قامت بفعله.

حدثت عائشة نفسها بصوت عالِ : "هنا" لو شمت خبر ان الفراخ اللي قالتلي خلي بالك منها اتحرقت هتعمل مني بطاطس محمرة.

أخذت تنظر لما أفسدته بحسرة وهي تردد بتفكير: طب ارميها ولا اعمل ايه دي... أنا لازم اتصرف قبل ما "هنا" تصحى وتكتشف اللي هببته ده.

التقطت هاتفها مسرعة وفتحت محرك البحث وهي تقول: احنا نكتب طريقة أكلات سريعة وان شاء الله الحق اعمل أي حاجة قبل الفطار و"هنا" متتكلمش.