الفصل الرابع والأربعون الجزء الأول (قصر البارون)
#لا_تؤذوني_في_عائشة٢
بسم الله الرحمن الرحيم
قبل أي حاجة كل سنة وانتِ طيبة يا شهد Shahd Aboeleneen
الفصل بعد ١٢ اهو يا وحش ♥️😘
قاتل الجسم مقتول بفعلته، وقاتل الروح لا تدري به البشر.
{جبران خليل جبران}
أثارت غضبه ذلك الغضب الذي نشأ من قلقه وحرصه عليها فنطق معترضا بانفعال:
كلمة كمان يا نيرة وهترجعي البيت.
وضحت له الأمر بحماس شديد:
يا عمر اسمع بس دي هي ساعة واحدة ودي لعبة احنا هندخل البيت ده هنعيش مغامرة رعب جواه لمدة ساعة والمفروض نحل اللغز علشان نخرج... دي لعبة ياعمر بقى.
مسح على وجهه يستدعي صبره على ما تتفوه به فإن المشاهد المرعبة التي تحتويها مثل هذه الألعاب خطرها عليها مضاعف بسبب مرض قلبها ولكن هي تتشبث بها كالصغار:
نيرو يا حبيبتي شوفي أي حاجة تانية.
مطت شفتيها بيأس وهي ترمقه ناطقة بقلة حيلة:
خلاص تعالى نركب الديسكفري وأمري لله أنا نفسي أجربها من زمان.
اتسعت عيناه وهو يحاول استيعاب اختيارها الجديد والذي كان أشد خطورة مما سبق فتخلى عن كل نقطة صبر لديه وصاح بضجر غير ابه بالبشر حولهم:
اسمعي يا بت انتِ أنا معرفش في مدينة الملاهي غير تلات لعب هما اللي مسموحلك لو زنقت معاكي اوي تلعبي بيهم.
رفعت حاجبها ناطقة بغضب:
لعب ايه دول بقى إن شاء الله؟
أشار عليهم بتصميم وهو يؤكد لها أن لا خيار سواهم:
المرجيحة اللي متعلقة هناك دي، والزحليقة، و السيارات المتصادمة.
ردت باستنكار شديد على قوله الذي لم يعجبها:
نعم!... مرجيحة ايه وزحليقة ايه انت جايب بنت اختك معاك، بص كده على الزوحليقة اللي انت عايزني أركبها دي مفيش حد هناك بيلعب بيها أصلا حتى الصغيرين.
كرر بإصرار مع ابتسامته التي أثارت استفزازها:
هو مفيش غير الزوحليقة يا نيرة وأنا كمان اللي هزحلقك وده لو كان عاجبك يإما نروح بقى.
_طب هركب الشلال.
نطقتها برجاء فأجابها رافضا وهو ينطق بانزعاج:
ولما تقعي تغرقي مين يطلعك بقى! ، انسي أنا مش هبوظ هدومي وانزل وراكي ... اسمعي أنا مستعد اتنازل واركبك الفنجان.
نطقت بغيظ منزعجة:
وجاي على نفسك كده ليه!
_اهو اللي عندي.
دارت تشاهد الألعاب من حولها بضيق شديد للغاية حتى نطقت في النهاية بيأس:
خلاص نركب العربيات المتصادمة مش مشكلة.
ضحك عاليا وهو يكرر لإثارة غضبها:
طب ما تفكري في الزحليقة تاني؟
رمقته بجانب عينها بغضب مشتعل فارتفعت ضحكاته العالية وهو يجذبها متحركا بها كي تركب ما اختارته
أنت تقرأ
#لاتؤذوني_في_عائشة
Actionرواية أكشن وإثارة غموض وتشويق ورومانسي🌸 ودي المقدمة المقدمة : من منكم بلا خطيئة؟! من كان منكم بلا خطيئة فليلقني بجمر من النار ولكن ماذا إن كنت أنا الخطيئة ذاتها.... وكان الجمر زادي العالم المظلم عالمي... والشر يسري في دمي..... والقلب الذي أصابته...
