رواية أكشن وإثارة غموض وتشويق ورومانسي🌸
ودي المقدمة
المقدمة :
من منكم بلا خطيئة؟!
من كان منكم بلا خطيئة فليلقني بجمر من النار
ولكن ماذا إن كنت أنا الخطيئة ذاتها.... وكان الجمر زادي
العالم المظلم عالمي... والشر يسري في دمي..... والقلب الذي أصابته...
كلام مهم جدا لكل القراء الجداد والقدام اللي منورينا هنا ❤
اعتقد نصكم في جامعة وعارف ان في أبحاث وهم ما يتلم على دماغنا كلنا... ينفع بقالي تلات ايام اشوف تعليقات سخيفة من نوعية: الرواية فين دمي اتحرق، انتي مبتعمليش زي الكاتبة الفلانية ليه وتنزلي كل يوم، هو ايه الذل ده، انتي بتتعمدي التأخير و منزلتيش في رمضان وغيره طبعا. أولا انا جيت قبل رمضان واتفقت معاكم انه شهر عبادة وانا علشان مسبكوش خالص هنزلكم فصلين وطلعت أد كلامي فعلا والفصلين نزلوا ومجتش قولتلكم انا هبقى زي الكاتبة الفلانية ومش هنزل خالص في رمضان مع ان ده الصح بس انا مبحبش المقارنة انا بتعامل مع ناس بحبهم وبيحبوني، وجينا اهو بعد رمضان نزلتلكم فصل وقولتلكم هنرجع لمواعيدنا تاني بإذن الله فين بقى الذل اللي انا عملته وحرقة الدم اللي انا وصلت كل دول ليها! مع ان فصلين رمضان وفصل العيد سيبت شغل الكلية والله وكتبتهم لحد ما بقى فاضل ٥ أيام اهو ولسه فيه بحث ونص مخلصوش ولازم يخلصوا...
... يعني انا علشان احترم مواعيدي معاكم عملت ايه ويجي حد يقولي بتحرقي دمي ده غير بقى طبعا ان في بوستات الجروبات التانية بلاقي كومنتات من نوعية اني مش ملتزمة وبغيب ومبقدمش أعذار وغيره... يرضيكم كده بقى!... أنا مش هسكت والله ما هسكت 😁😂
ماهو زي ما انا بستحمل التفاعل اللي قل للنص والفوت اللي مبيبقاش ربع اللي بيقرأو انتوا المفروض تستحملوني الكام يوم بتوع الابحاث مع اني مقصرتش ونزلت اللي وعدت بيه... ده غير بقى ناس بتقرأ الرواية جديد ولقيت منهم كومنتات الرواية كلها الغاز ومبتتحلش وكلام من ده لمجرد ان احداث الرواية الكتير وقعت منهم في النص وتاهوا!
طيب ياجماعة الرواية دسمة ودسمة جدا كمان لو وقع منهم مشهد واحد مش فصل مش هتفهم اي حاجة في الدنيا وهتقع الأحداث منك... اصلها مش قصة حب بين اتنين بيجروا ورا بعض ده فيه ألف حدث رئيسي داخل مع قصة الحب دي وفيه كم من الشخصيات انا نفسي دماغي بتتعب منه في الكتابة... فمعلش حضرتك تعالى على نفسك واقرأ الفصل بتركيز شوية.
أنا خلصت كلامي اللي عندي مفيش حاجة تاني.... كتبت جزء كبير من فصل النهاردة لكن حاسة ان الفصل صغير فصبرا لغاية بكرا بإذن والفصل هينزل علشان يكون طويل ومسمعش كلمة الفصل قصير وبالمرة اكون خلصت نص البحث وأبدأ في الجديد😂😂
وطبعا مش هسيبكم كده ده انتوا روحي ❤😂
ده اقتباس صغير كده مدكناه للحبايب من فصل بكرة ❤
_عارف انت حيوان و قذر شخص مقرف مفكر نفسه هيعرف يوصل لحاجة بس انت ولا حاجة يا عدنان .
اشتعل الشر بعيونه مما أدخل الرعب في قلب بسنت وصرخت عاليا حين دفعها بعيدا ومسك برأس عائشة يضربها بعنف في حائط الغرفة صارخا بهياج: انا هوريكي الولا حاجة يابنت خالتي.
Really, I am sorry 😂💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
