#لاتؤذوني_في_عائشة

الفصل السادس والثلاثون (دعمِ لكل فتاة في شتى بقاع الأرض✨)

الفصل السادس والثلاثون (دعمِ لكل فتاة في شتى بقاع الأرض ✨)

#لاتؤذوني_في_عائشة٢

صباح الخير انا بعتذر عن التأخير الطويل ده بس حقيقي أنا نفسيا مكنتش قادرة اكتب ما بين انتظار نتيجتي وصولا لقضية الولد المغتصب واللي أعصابي تعباني من ساعة ما ظهرت وعقلي واقف من ساعتها عن أي حاجة.... عرفت ان في ناس اسوء من رضوان ونادر وعدنان و موجودين حوالينا مع اني كنت عارفة ده قبل كده بس الواقع مؤلم شوية.... وعرفت ان في ناس بتبرر للمغتصب وان في أهل مبيتكلموش مع ولادهم وبتكون النتيجة خوف ورعب وسكوت واه من السكوت البشع 💔
أنا بعتذر عن التأخير بس انا حقيقي الأيام اللي اتأخرت فيها انهكت ما بين تفكير وجدال مع ناس بتحلل وتحرم على مزاجها وتفصل الدين على هواها لحد ما حسيت ان خلاص مفيش أي طاقة.
تلخيصا لكل ده وعلشان ما طولش عليكم أنا بدعم أي بنت اتعرضت للتحرش أو الاغتصاب... بدعم أي بنت مقهورة والمجتمع ظلمها وأهلها ظلموها قبله.... بدعم أمل البنت المحجبة اللي مش عارفة تجيب حقها من المغتصب ولا تثبت نسب بنتها.... وبدعم ال ٢٠٠ بنت اللي تم الاعتداء عليهم من الحقير أحمد بسام زكي ولو واحدة منهم بس بتتابعني أنا فخورة بيها وفخورة انها موجودة وفخورة انها قدرت تتكلم عن اللي حصلها ❤✨
بالمناسبة من سنة وشوية كتبت رواية قصيرة اسمها صفية والعقرب كانت بتحوي كتير من الأحداث الحقيقية وكان فيها شخص مغتصب اسمه "بسام" وناس كتير استنكرته وقالت مش موجود منه في الواقع ويشاء القدر ان بعد سنة ونص يطلع ان في مغتصب عامل كل الجرايم النكراء دي واسمه "أحمد بسام".
في النهاية بكرر دعمي لكل بنت بتدافع عن نفسها.... خلي معاكوا دايما اسبراي زي بتاع عائشة خليكِ قوية وخدي حقك ومتخافيش انتِ مش عار ❤
وبشكر الجميع على انتظاري رغم التأخير 💕✨

بسم الله الرحمن الرحيم
امل تألق وارتقى
مثل النجوم محلقاً
في وسط قلبٍ في الهموم تمزق
قد كنت وحدي في المسير
في الحزن عشت كالاسير
حتى رأيت الزهر يزهر ها هنا
فبدأت اركض نحوه
وبدأت الثم عطره
حتى شعرت بقيد حزني ينكسر
فسمعته يقول لي الغيم سينجلي
والشمس في جوف الظلام ستنتصر

(أغنية : الحياة أمل ❤✨)

ليست مجرد دقات عادية.... دقات البوابة أصابت قلبها بالهلع... هرعت إلى ملابسها وانتشلت الحجاب سريعا وضعته على رأسها وهي تهرول نحو الخارج.... هوى قلبها حين رأت ذلك المدعو "مروان" نظراته هذه التي تشعرها بالغثيان... أهملت وجوده حين وجدت أن حامي قد فتح البوابة بالفعل والطبيبة تقف أمامه.

استدار "حامي" فوجد زوجته تقف أمامه اشتعل غضبا وهو يسألها بحدة: في ايه؟

أردفت الطبيبة باستئذان: طيب عن اذنكم أنا داخلة للمدام... فين الأوضة؟