مفيش مساء الخير ولا صباح الخير حتى.... انا زعلانه جدا منكم على التفاعل علشان لما المشاهدات توصل ل 3000 بيتفاعل منهم 50 ! يبقى حرام.
الفصل اهو وشكرا ليكم 💔😭
بسم الله الرحمن الرحيم
هل الحب جرم ؟!
أم أنك لعنة تصيب كل من يحبك..... ظننت أن النور يردع العتمة... ولكن العتمة ثعلب مكار يخبرك دائما أن خبثه لم ينته بعد.
خاب من ظن أن الحب عالم وردي لا يُفترش طريقه إلا بالورودِ...فقط أودُ أن أصارحك أنَ ما قبل هذه الورود أشواك تطعن القلب وما بعدها خيبات تحطم آمالنا على صخورِ اليأس.
ولكن إنه الأمل الذي يخبرني مع كل انكسار أن مثلنا ماخلق ليهزم وان الحب ينتصر دائما فمهما كثرت الأشواك سيحل الورد يوما ما.
ستغمرنا الشمس بدفئها ويحتضننا القمر برونقه ونحيا ننثر عبقنا هنا وهناك.... عبق الحياة.
هناك من يقوم... يغفي... يعمل... يذهب ويأتي ولكنه يموت ولا يعرف معنى للحياة.... وهناك من يحيا بالحب .
ياصاحب القلب الذي تخلل النور عتمته كف عن عذاب أحبتك.
اترك قيودك ها هنا وسير معي في درب جديد.... درب يحب قلوبنا وأرواحنا.... دون شروط... دون معرفة هوية.... دون ظلام .
صامته... تجلس كالجماد لا تتحرك فقط تحتضن الأريكة جسدها ويمنع الغطاء عنها ذلك البرد المميت .... جلست "هنا" جوارها مردفة بقلق : مالك يابنتي.... انتي مكنتيش كده وانتي بتكلميني في التليفون.
تنهدت عائشة عاليا بتعب هامسه : ولا حاجه ياهنا... هرمونات بقى انتي عارفه.
التقطت عائشة طبق "أم علي " الذي أحضرته هنا وتصنعت أنها تأكل منه حتى لا تلفت نظر هنا أكثر من ذلك .
_قوليلي هي طنط صوفيا ماتت ازاي؟!
نطقت بها عائشة وهي ترمق "هنا" في حين نظرت هنا بحزن هاتفه : الله يرحمها .... ماتت منتحرة.
أسرعت عائشة قائلة : انتي متأكده انها ماتت ... قصدي مين دفنها؟!
_في ايه ياعائشة؟!
نطقت سريعا بتدارك للموقف : لا مفيش حاجه.... بسأل عادي.
رمقتها هنا بنظرات متفحصة وهي تنطق بشك : ووشك الأصفر زي الليمونه ده عادي برضو.... على العموم يابنتي صوفيا الله يرحمها انتحرت وهي حاضنة حامي .... انا اللي اكتشفت الموضوع ساعتها لأني كنت قاعده وياها كام يوم بعد وفاة جوزها.... ساعتها مكانش قدامي حد يساعدني انقلها المستشفي اضطريت اتصل بالمخفي رضوان مكانش قدامي غيره.... وساعتها كنت فاكراه راجل كويس.... المهم جه وخدها على المستشفي وانا اضطريت اقعد مع "حامي" لأن صدمه زي دي على عيل تموته .... فضلت قاعده على اعصابي وحامي كل شوية يسأل امه فين؟! .... ورضوان لفيت عليه كعب داير تلات ايام مش لقياه.... ظهر بعدها وجالنا البيت قالي ان صوفيا ماتت ودفنها جمب جوزها وانه مكانش قادر يظهر علشان بيخلص شوية مشاكل تبع تصريح الدفن.
أنت تقرأ
#لاتؤذوني_في_عائشة
Actionرواية أكشن وإثارة غموض وتشويق ورومانسي🌸 ودي المقدمة المقدمة : من منكم بلا خطيئة؟! من كان منكم بلا خطيئة فليلقني بجمر من النار ولكن ماذا إن كنت أنا الخطيئة ذاتها.... وكان الجمر زادي العالم المظلم عالمي... والشر يسري في دمي..... والقلب الذي أصابته...
