#لاتؤذوني_في_عائشة

الفصل العشرون (قنبلة)

مساء الفل 🌸
حابة بس أقول حاجة قبل الفصل ياريت اللي يهمه أمر الرواية يقرأها

أنا لما بدأت اكتب رواية "لاتؤذوني في عائشة " أكتر من حد اعترض على الاسم ف علشان اخلص نفسي من ده... استفتيت اكتر من شيخ في الموضوع وأباح الاسم طالما المحتوى لا يمس السيدة عائشة بسوء .. ميجيش حد بقى فجأة يكفرني علشان الاسم وده حراام وازاي وعيب معترض على الاسم تقدر متقرأش عدي ولا كأنك شفت حاجة يا وحش.

تاني نقطة أنا مش كاتبة على الرواية من برا ان المحتوى ديني... حتى الغلاف مش بيدل ان المحتوى ديني فمتجيش حضرتك تقرأ على ان المحتوى ديني تلاقيه مش ديني تغلط فيا!

أنا مش مسكالك يافطة وواقفة بيها جنب عنوان الرواية بقولك دي ديني ... الرواية مش ديني المحتوى مش ديني ياأم نيازي صحي نيازي قوليلوا ان الرواية محتواها مش ديني.

تالت نقطة أنا ربنا يعلم ان من أول يوم بدأت كتابة فيه وأنا بحاول أقدم فكرة راقية تدعمها المشاعر اللي بتوصلكم وببعد نفسي خالص عن العلاقات الجسدية اللي غيري بيستخدمها وبتحققله شهره في أسرع وقت لكن الحرام بين والحلال بين فمستحقش أبدا بعد كل ده ان يتقال الرواية كلها فجور وأخلاق الأبطال زي الزفت ولا تمس الواقع بشيء.

الكلام ده انا رميته في سلة زبالة وحقيقي شوفته من هنا وبدأت اكتب في الفصل لكن أنا مش هفضل محافظة على هدوئي كتير أنا اه بحاول اتعامل بأسلوب راقي علشان محدش يتصيد خطأ ليا بس في الآخر أنا شخص انفعالي جدا وممكن ردي على كلام زي اللي فوق ده يخلي اللي قاله يندم كل يوم ١٠٠ مره انه تفوه بيه.

رابع نقطة الرواية في البداية كان عقلي بيتوه مع الأحداث فكنت بغلط سهوا كام خطأ املائي وتداركت الموضوع وبقيت اركز من اللغويات زي مابركز مع الأحداث واظن انتوا بتشوفوا ده ... نادرا لما بيكون فيه خطأ لغوي و بيبقى غير مقصود....هتتقبل ده تقبله مش هتتقبله انشالله ماتقبلته ماتقرأليش لكن تقول ان لغوياتي ضعيفة أو كتاباتي دي متتسماش رواية وتجرح فيا هتشوف رد مش هيعجبك بعيدا بقى عن الكاتبة .

نلخص الكام نقطة كده تاني

الاسم مش حرام ياشيوخ ... واللي هتقول الاسم حرام في أي مكان هقولها اهو اسمك انتِ 😂

المحتوى مش ديني.

شايف ان الرواية فجور وأبولهب والجواري قاعدين في الصالون عندي متقرأهاش ... انت انسان ليك حرية اختيار مش بهيمة متساقة.

الأخطاء اللغوية حتى وان كانت نادرة مبتعجبكش متقرأليش... هتدخل تقرأ علشان تطلع أخطاء لغوية هطلعلك أخطاء من اسمك نفسه.