مساء الفل عليكم ❤
#متابعين_لا_تؤذوني_في_عائشة
#الرواية_هتخلص_امتى؟
حبيت متتصدموش زي الجزء الأول علشان متزعلوش✨
فاضل الفصل الأخير من لا تؤذوني في عائشة ❤
هيتقسم على تلات فصول والخاتمة
وبكده هنكون انتهينا تماما من الجزء التاني
رواية عاشت معايا سنة وشوية وهتعيش دايما بأثرها اللي سابته فيا ✨
شوية أسئلة بقى علشان بتتسأل كتير
★ النهاية الخاصة بالجزء التاني هتبقى مبهمة؟
لا النهاية هتبقى واضحة جدا جدا جدا ومع ذلك هيكون في تمهيد في النهاية دي لأحداث الجزء التالت
★ الجزء التالت ده هيكون امتى؟
الجزء التالت هيكون بعد فترة معرفش هي أد ايه كل اللي أعرفه إن في عمل جديد هشتغل فيه رواية مهمة جدا جدا هتفرق معايا ومعاكم وهبقى اكلمكم عنها في بوست منفصل.
★ هتعملي جزء تالت ليه !
هعمل جزء تالت علشان أفكاره حاضرة وواضحة في دماغي، وعلشان لو في تلاتة مش عايزين جزء تاني قصادهم عشرين عايزين، ثانيا حاجات كتير مكانتش ظاهرة كويس في الأجزاء دي زي علاقة حامي بأخواته وعلاقته بوالدته وعلاقتهم كلهم بعيد عن جو الانتقام ده هيعيشوا ازاي وايه هيواجههم وعلاقة الأبطال كلهم، وحابة أقول إن بالأفكار اللي محضراها للتالت أنا ضامنة بأذن الله إنه هيكون أحسن من الاتنين اللي قبله وأي حاجة فيها حامي عموما حلوة 😂
★ السؤال بقى اللي بيعيطني.. يعني مفيش حامي وعائشة تاني؟
والله العظيم في جزء تالت ، بس لما أخلص الرواية الجديدة وتنجح بيكم ومعاكم، غير كده في مشروع بخصوص النشر الورقي لو تم بإذن الله الوحش هينطلكم واحنا في الرواية الجديدة كمان.
★أنا بقالي اسبوعين مفتحتش واتباد وفتحت لقيت فصل واحد بس اللي نازل !
ده كان كلام حد من المتابعين على الواتباد، الحقيقة أنا استغربت جدا لأن على المفروض الأسبوع اللي فات نزل فصلين واللي قبله فصل يعني تلات فصول مش واحد ولا حاجة نرحم بعض شوية يا جماعة ❤
بكره بإذن الله هينزل فصل، طلب شخصي أي حد زهقان مل مش عاجباه الرواية ميقرأهاش وأنا بنفسي هرشحله رواية يقرأها لكن أي كومنت سلبي بعد كده بان علطول علشان ميبقاش التشجيع معدوم وتدخل تحط كلام سلبي كمان
بالنسبة للتفاعل بقى انتم ما شاء الله اكتر من ١٠ الاف بيتابعوا الفصل ياريت أشوفكم في الكومنتات وفي الڤوت تشجيعا منكم وحتى اللي مش عاجبكم تقولوه بلاش القراءة في صمت ارحموا الصمت 😂
اللي معملش فولو للأكونت يعمل ❤
وشكرا للكل، وحقيقي الرواية عرفتني على ناس مكانهم في القلب غالي ❤
أي حد عنده سؤال بخصوص أحداث الرواية يكتبه وأنا هرد وخدوا بوسة بقى 😍😂
#لا_تؤذوني_في_عائشة
أنت تقرأ
#لاتؤذوني_في_عائشة
Actionرواية أكشن وإثارة غموض وتشويق ورومانسي🌸 ودي المقدمة المقدمة : من منكم بلا خطيئة؟! من كان منكم بلا خطيئة فليلقني بجمر من النار ولكن ماذا إن كنت أنا الخطيئة ذاتها.... وكان الجمر زادي العالم المظلم عالمي... والشر يسري في دمي..... والقلب الذي أصابته...
