#لاتؤذوني_في_عائشة

الفصل السابع والعشرون(المصائب لا تأتي فرادى)

كل سنة وانتوا طيبين 😍😍
وحشتوني جدا والله طبعا النشر كان متوقف في رمضان ماعدا فصلين تم نزولهم...نعود بقى لقواعدنا سالمين مواعيد النشر بإذن الله هتكون الاحد والأربع وعلى حسب تشجيعكم بقى ننزل فصل زيادة 😂
اهدوا جدا في الفصل ده نشد الحزام ويلا 😂❤

لا يمكن لأحد إدراك معنى الحياة...إنها عالم معقد ملئ بالخيوط ومن ناحية اخرى عالم وردي تحلق فيه قلوبنا كل صباح...لا تعلم متى التحليق ومتى السقوط الحقيقة الوحيدة في هذه الحياة هي أنه من قال لك أنا أعي معنى الحياة ...اعلم جيدا أنه ليس إلا مخادع تائه في بحورها ولا يفقه منها شيء.

قاعة مزينة بكل ما يبهر العيون... الأضواء اللامعة والتي اتخذت شكل النجوم، الأرضية المفروشة بالورود ذات اللون المبهج والبالونات المحاوطة للمكان وجدران القاعة التي اتخذت من اسم الصغير زينة فصار اسم "آمن" محفور على كل جدار بعناية أُضيف لها لمعة تبهر العيون للإسم... وقد أضفت السماء لهذه الأجواء الصفاء بلونها الأزرق ونسمات العليل التي حلت لتوها.

توقفت السيارت تباعا أمام القاعة وظهر صوت "نيرة" وهي تسأل: ياعمر احنا جايين هنا ليه؟!

أردف بملل من تكرار السؤال فطغت الآلية على إجابته: "حامي" هيبقى يقولك.

أردفت الصغيرة بغيظ: هو انت عامل زي الروبوت كده ليه ياعمر.

قطع شجارهم صوت زينة المتأمل حينما أردفت ومعالم وجهها تحمل الحذر والأمل: يحيي جاي صح؟!

هز "عمر" رأسه بالنفي وقد حزن على حالتها أثناء نطقه: لا مش جاي يا زينة.

بدا الإستنكار على وجه نيرة وهي تردف بتهكم: يعني ايه مش جاي هو مش المفروض امبارح كان أول يوم عيد والست اللي في العربية اللي ورانا دي والدته وكان لازم يجي يشوفها... مجاش امبارح نقول معلش ممكن يجي النهاردة لكن اللي بيحصل ده مينفعش يا عمر هو مش مكسوف كده انه بقاله بتاع شهر مختفي وقافل تليفوناته وهو اللي غلطان اساسا.

نطقت "زينة" إنهاءا لهذا النقاش: خلاص يا نيرة أنا بس كنت عايزة اتطمن عليه.

انتهت من حديثها وخرجت من السيارة حين رأت خروج "هنا" ووالدتها و"كريم" من السيارة الاخرى... نطق "عمر" بغيظ من الجالسة جواره: تعرفي متدخليش في مشاكل حد.

رددت بإستنكار: حد!... حد ايه دي اختي.

هز رأسه وهو يقول بهدوء منافي لغضبها حزنا على شقيقتها: عارف انها اختك بس انتِ متعرفيش ظروفه علشان تتكلمي كده يا نيرة حطيله عذر ياشيخة.

بدا الرفض على وجهها وهي تردد بإصرار: لا معلش ياعمر انا مش معاك العذر ده لو اختفى يوم ولا اسبوع حتى مش شهر.