Winner ?

12.

Winner
Ep _ 12

"ဝိုင် ? "

ကောင်မလေး တစ်ယောက်နဲ့ ဘားထဲမှာ ပွေ့ဖက်ပြီး Love scene ရိုက်နေသည် ။
ကျွန်တော့် အသံကြားတော့မှ အလန့်တကြား ဖယ်လိုက်ပြီး မော့ကြည့်လေသည် ။

"ဦး ! "

"ချစ်သူထင်တယ် ... အချောလေးပါလား .. နှစ်ယောက်သား လိုက်ဖက်ပါတယ် "

"ဟို ....ကျွန်တော်တို့က "

"ဟဟ ငါနားလည်ပါတယ် "

ချစ်သူမဟုတ်ပါဘူးဟု ငြင်းလိုက်ချင်မိသည် ။
ဘာလို့မှန်း မသိပေမယ့် အဲ့ဦးလေးကြီး အထင်လွဲသွားမှာကို မလိုလား ။

သို့ပေမယ့် .... တကယ်တမ်းလည်း လက်ရှိမှာ ချစ်သူ ဖြစ်နေတော့ ....။

"ခုနက ဦးကို ရှာသေးတယ် မတွေ့ဘူး "

"ငါအလုပ်ကိစ္စ ရှိသေးလို့ ဆိုင်ကို လာတာ နောက်ကျနေတာ နေပါဦး မင်းက ဒီလောက် အစောကြီး ? "

"ဟို ... သူ့ကို လာတွေ့တာ "

"ဩော် ..."

ပြန်လည် တိတ်ဆိတ်သွားကြသည် ။

"ဒါဆို အေးဆေး ချိန်းတွေ့ကြလေ ငါ ရုံးခန်းထဲ သွားတော့မယ် "

"ဟုတ်ကဲ့ "

အပေါ်ထပ်သို့ တတ်သွားသော ကျောပြင်ကို ငေးကြည့်ရင် စိတ်ထဲ လေးလံလာမိသည် ။

ဘာလို့ပါလိမ့် ????

》》》》》》》

ရီဟာဇယ် လုပ်ရမယ်ဆိုပြီး ဟောခန်းမ မှာ ထိုင်စောင့်နေရတာ ညနေ ၄ နာရီပင် ထိုးနေပြီ ။ ခုချိန်ထိ တခြားအဖွဲ့တွေ မပြီးသေး ။

"မင်းက ပဲနို့ ကြိုက်တယ်လား ခွီး "

"ပဲနို့ ကြိုက်တာဘဲ ဆန်းလား "

"မိန်းကလေးနဲ့တူတယ် "

"ဘာ ! ပဲနို့ကြိုက်တာနဲ့ မိန်းကလေးနဲ့ တူသွားရောလား သေလိုက်လေ "

ရိုးရိုးထိုင်စောင့်နေရတာ အကြောင်းမဟုတ် ... ဘေးနားမှ တစ်ချိန်လုံး တစ်မျိုးပြီး တစ်မျိုး ရန်ရှာနေသော ဟိုကင်းကောင် ရှိနေသည်က ပြသနာ ။

ဗိုက်ဆာလို့ ပါလာသည့် ပဲနို့ဗူးလေး ထုတ်သောက်မိပါသည် နေရင်းထိုင်ရင်း gender ပြောင်းသွားရသည့် အဖြစ် ။