အပိုင်း(၁၇)_အရမ်းတူကြတယ် ခင်ဗျားနဲ့
နောက်တစ်ရက် မနက်ခင်း၌ ရဲဇာနည် အလုပ်စားပွဲ၌ အစီရင်ခံစားများ စစ်ဆေးနေခိုက် နေဘုန်းခရောက်လာပြီး အစီရင်ခံစာ စာရွက်စာတမ်းတချို့ လာတင်ပြသည်။
"အဲ့အဆောက်အဦးက ပိတ်ထားတာ တစ်နှစ်နီးပါးရှိပြီ အစ်ကို..."
ရဲဇာနည်တစ်ယောက် နေဘုန်းခ ပြောသမျှအား သေချာစွာ နားထောင်နေရင်း တစ်ဖက်က စာရွက်စာတမ်းတွေကို ဖွင့်ကြည့်လိုက်သည်။
"ဖျက်မိန့်ကျပြီးသား အဆောက်အဦးမို့ စီစီတီဗွီတွေ ဖြုတ်ထားတာလည်း ကြာလှပြီ၊ ဒါပေမဲ့ အစောင့်တွေတော့ရှိတယ်"
"အဲ့တော့ အနီးတဝိုက် ဘာသက်သေမှ ရှာမရခဲ့ဘူးလား"
ရဲဇာနည် စာရွက်တွေကြည့်နေရင်းက နေဘုန်းခအား မေးလိုက်သည်။
"အဲ့ဒီနယ်မြေတဝိုက်က ဂန်းစတားတွေ လက်ဝါးကြီးအုပ်ထားတဲ့နေရာမို့ တစ်ခုခုသိရဖို့က မလွယ်ဘူး၊ ကျော်စွာနဲ့ ကိုဗညားတော့ စုံစမ်းနေကြတုန်းပဲ၊ ပြန်လာရင်တော့ တစ်ခုခုထပ်သိရမယ်ထင်တယ် ဒါပေမဲ့ ပိုင်ရှင်ကတော့ စိတ်ဝင်စားဖို့ကောင်းတယ်၊ အဲ့နေရာကိုပိုင်တာ Alexထွဋ်ခေါင်... အရင်က အဲ့ဒီနေရာကို Universe Group က ပိုင်တာ၊ လွန်ခဲ့တဲ့ (၂)လကမှ Alexထွဋ်ခေါင် နာမည်နဲ့ လွဲပြောင်းထားတာ"
နေဘုန်း ပြောလာသည့် စကားကြောင့် ရဲဇာနည် အနည်းငယ် မျက်ခုံးပင့်သွားရသည်။ အခြေအနေသည် အလွန်စိတ်ဝင်စားဖွယ်ကောင်းလွန်းနေသည်။
'ဖျက်မိန့်ကျပြီးသား အဆောက်အဦး။ CCTVတွေ မရှိတော့ဘူး။ ပိုင်ရှင်...။ အစောင့်တွေရှိနေတယ်။ ဘယ်လိုပဲဖြစ်ဖြစ် သူနဲ့မပတ်သတ်ဘဲ လူသတ်ပြီး ဘယ်သူမှမသိအောင် အလောင်းဖျောက်ဖို့က မလွယ်တာကို'
"Alexထွဋ်ခေါင်"
ရဲဇာနည် နာမည်ကို တိုးတိုးရေရွတ်မိတော့ မျက်လုံးထဲမှာ ထိုနေ့က တွေ့ခဲ့ရသည့် လူရဲ့ပုံရိပ်က သူ့စိတ်ထဲ ပြန်လည်အရိပ်ထင်လာသည်။ ထိုလူ့ဆီ၌ ယုန်ဖြူလေး၏ အငွေ့အသက်တွေရှိတယ်လို့ ဘာကြောင့် ခံစားနေရလဲ ရဲဇာနည် သူ့ကိုယ်သူ နားမလည်နိုင်အောင်ဖြစ်ရသည်။
YOU ARE READING
The Dark Nights in the Rain
General Fiction[Unicode Ver] ကံဆိုးမှုတွေနဲ့ နာကျင်မှုတွေ မိုးရေစက်တွေနဲ့အတူ လိုက်ပါလာခဲ့ကြလေသလား.....။ မိုးစက်ခတဲ့ ညတွေမှာ မှောင်မိုက်ခြင်းတွေ အစပြုခဲ့တယ်။ ကျီစားတတ်တဲ့ ကံကြမ္မာကြောင့် မိုးမှောင်ကျခဲ့ကြတဲ့ သူတို့ဘဝတွေ ဘဝရဲ့ရောင်နီပျို့ချိန်ကို ရောက်တဲ့အထိ လောကဓံ...
