كفاني قهرا

البارت 1 :

#كفاني_قهرا 🔞
لا أحلل النشر دون ذكر اسم الكاتبة ❎
بقلمي : Soukaina Ayada
البارت 1⃣ :
________________
فصالون صغير وسط دار كبيرة دايرة كي رياض متيول بفراشي و زرابي كباار و مخادي مطرزين داكشي  بلدي مية بلمية
كايتمع صوت الغوات و شطيح البنيتات و العيالات كايغنيو و يطبلو
كالسة بنت آية من الجمال بشرتها بيضة كي لحليب و عويناتها خوضر باردين و شفران طوال و فم حمر و خدود موردة  ، لابسة قفيطين فشيبي مع فولار فلكراميل و مهبطة راسها الأرض و دموعها هابطين بغرازة و رموشها فازكين كاتمة شهقاتها بزز ، ماكرهاتش تغوت بصووووت  عااالي : وااااااماااابغيتش
مي للقدر رأي آخور
" لو نطق القلب ، لقال كفاني قهرا " 🔞
فلاش باك :
البنت جاية فرحانة من ليسي حيت نجحات بميزة ممتاز و حمرات وجه واليديها كيف لعادة
دق دق
البنت : السعدية ماا حلي اسعدية
تحل الباب و ظهرات امرأة فتلاتينات كانت لابسة قفيطين مدخلاه فسروال ودايرة درة على راسها 
السعدية : اويلي ابنيتي قتلتيني بلخلعة مالك جايا كاتجري و زايدون لاش كاتغوتي
البنت : ( طاحت عليها معنقاها ) نجحت اسعدية نجحت و جيت لولة فلجهة احح غانمشي نكمل قرايتي فلمدينة
السعدية : لولولولولوووووووووي لوولووووووي شعدي بلالة البنات نجحاااات و جات لولة
البنت : الله اخليك ليا فيناهيا مااا
السعدية : موك ابنتي فلكوزينة كاطيب شي دجيجات محمرين على ود جايين عندنا ضياف فلعشية
البنت : ( بدون اهتمام ) واخا انطلع نشوفها و ندخل نعاونكم
السعدية : واخا ابنيتي جنات
جنات 18 سنة بنت القايد علي لي كلمتو مسموعة فالبلاد و عندو يد طويلة صارم و ماكايرحمش و ثورية الفهري دريويشة ماعندها حد من غير ختها لي فلمدينة كاتجي مرة مرة
بنت زينها كايهبل وجها منور سبحان الله كل من شافها كايسهى
كايسهى فبراءتها و عويناتها الخضرين و ضحكتها و حشمتها لي كاتجي من بعد ماكايتوردو خدودها لي مي التوت
دخلات كاتجرب لكوزينة بعد ماعرفات بلي تاحد ماكاين فدار من غير ماماها و السعدية
عنقات ماماها من لور
لالة ثورية : جيتي اجناات امضرا ابنتي سربي قوليلي نجحتي شحال جبتي
جنات : وااانجحت اماما نجحت و جيت لولة فالجهة و بميزة ممتاز
لالة ثورية : الله افرحك كيما فرحتيني ابنيتي الله ارضي عليك نتي نور د عينيا نبغيك ديما لفوق لفوق
جنات : ان شاء الله اماما انولي أحسن طبيبة فلعالم
لالة ثورية : ان شاء الله ابنيتي يالاه سيري بدلي حويجاتك و نزلي تغداي قبل لايجي باك و خوك
جنات : واخا اما انا طالعة
مشات جنات لبيتها بدلات حويجاتها لبسات حوايج دار و هبطات تغدات و عاونات سعدية فطياب حيت غايجيو عندهم ضياف فلعشية
اه السعدية هي مرا الله اعمرها دار خدامة عندهم فدار مي ثورؤة و جنات كايحسبوها فحال ختهم حيت ماليها حد من غيرهم هي لي كبرات و عاونات ثرية فتربية جنات
واخا هوما فلبادية الا انا القايد علي كان راجل معروف بأنه كيتاجر و كايبيع و يشري فلخضرة و لغلة لي كتنتجها أرضو كل سنة ناهيك على العقارات لي كايبيع و يشري فيهم