#كفاني_قهرا 🔞
لا أحلل النشر دون ذكر اسم الكاتبة ❎
البارت 120 :
تعاشات لعشية و وصل ليل ... كالسين فوق طبلة دلعشا كاملين ... من غير حنات لي مخشية فبيتها ناعسة .... لحمل مأثر عليها و على نظامها الغداءي ... و حتا النوم ... قالباه
لحاج .... موجه هضرتو للسعدية و كورسا ... يوا ابناتي غدا خطبتكم ....و نتوما هاودني منكم هههه ( سعيد و لحاج ) حياني لله تاشفت اب و ولدو كيخطبو فنفس نهار ...
لقايد علي بقا كيضحك و كيشوف فالسعدية ... سعيد كيلعب لكورسا فيديها و مرة مرة ينغزها ...
نسرين كتنقب من ديك لماكلة و تفكر ...
علاء شاف فيها ساهية و هو يطلع رجلو تالفوق فخدها ... نقزات و دارو كلهم عندها.... بقات كتبسم ببلاهة و دارت راسها اتهز لمعلقة ... اا سمحوليا ...
سي لحاج ... و نتي اعروستي المستقبلية هههه خطبتك بعد غدا ان شاء الله علمي لالة غيثة ...
نسرين بغات تدوي حتا قبطلها علاء يديها تحت طبلة و كرز عليها .... تنطقي شي حاجا ننحرك ...
خنزرات فيه و نترات يديها بزز منوو بقات كتأفف ...
بعد ماسالاو لعشا ... دخل شرف هاز محفظتو فيديه ... لقا سلام و سلم على لحاج ...طلع لبيرو ... حط المحفظة و حيد عليه لفيست....
هز شي وراق حطهم فلكوفرفور صغيور ...ديالو و دلحاج ...( عقلتو عليه ) ....
توجه لجناحو .... دخل لشومبر تاعو .. لقا جنات ناعسة و خاشية وجهها فلمخدة كي لمشيشة ... تبسم ... و باس على راسها و يدياتها ... كيفيقها و يشم فريحتها ...
شرف .... جنااات حبيبة فيقي باراكا عليك من نعاس ... فيقي اروحي ...
جنات ... واااع خنيني اشرف خنيني اهى بغيت ننعس ...
شرف كينصل ليها فداك لفولار ... احح على خنيني فيقي ... ياك كنقولك متقجيش راسك فبيتنا هاا ...
حنات ناضت قالبة وجهها... اعع قلتليك خليني ننعس اشرف ...
شرف حيدلها داك لكاب ... غاتمرضي امشيشتي ... نوضي توضاي و صلي صلاتك ... يالاه
جنات ... من بعد و نصلي ...
شرف هزها بين يديه ... هوبلااا ... غا شيطان احنات نوضي صلي باراكا من لبسالات ...
حنات ... اوفف
شرف ...نقطعلك داك لسان ...
دخلها للدوش ... قضات حاجتها و توضات و توضا تاهو ... فرش ليها صلاية و ليه كذلك ... صلاو صلاتهم ... و حط يدو على راسها ... كبقرا اية الكرسي و يجود فيها ...
سالا و باس لقران و خطو على جنب ...
جنات تخشات فيه كي لمشيشة ... و حيد ليها لفولار و تطلق سالف على طولتو ... مشيشتي ... نخاف عليك من لعين ... اشهاد زين كلو هاا ... نخبيك عندي نشوفك بوحدي ... ميشوفك حد ...
جنات ... هههه حبيبي ... شنو نسميو ولدنا ...
شرف ... باس كرشها ... احح انا ماكرهتش شي مشيشة فحالك من هاد لكريشة ... ممم تكون بنتي ثانية ...
جنات بعداتو بيديها و دلات شنايفها ... اننمم علاش عندك بنتك اخرة ...
شرف قرصها من حنيكاتها و باسها من شنيفاتها ... احح نموت فيك انا ... عندي برهوشتي نتي ...
جنات عنقاتو بيديها و باستو بدورها فشنايفو ... كنبغييك ...
شرف ... انا لي كنبغيك و كنحماق عليك ... ؤا احسن حاجا وقعات فحياتي ... ماعارفش اشمن خير درت حتا لاقاني ربي بيك ...
جنات كترجاه بعينيها ... شرف سيدي ربي كيسامح علاش حنا منسامحوش هاا ... سيدي ربي بعظمتو و جلالتو كيسامح ....
شف قاطعها و باس راحة يديها بجوج ... مسامحة احبيبتي .... مسامحهم ... و لكن ماكانساش شنو دارو فيك نتي و ولدي ....
حنات ... قربات منو و دارت راسها فوق فخاضو و هو كيلعب بشعراتها بيدو ... حتا غفات ...
هزها من فوق لارض و حطها فوق سرير و تخشا حداها .... معنقها من خصرها ...
_________يتبع .....
أنت تقرأ
كفاني قهرا
Romance🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
