#كفاني_قهرا 🔞
لا أحلل النشر دون ذكر اسم الكاتبة ❎
البارت 109 :
عند شرف لي كان داخل حتا حبساتو شي يد تحطات فوق كتفو ... دور وجهو لقا السعدية كتشوف فيه و عينيها مغرغرين ... كانو بعاد على لبقية ... ولدي شرف ...
شرف حنا راسو احتراما ليها .... وي خالتي
السعدية شدات فكتافو و كتبكي ... ولدي هالعار راه مادارت والو راك ظلمتيها اولدي و ظلم مايبغيه لا ربي لا عبدو ... عيب هادشي اولدي و نتا زعما مول لعقل .... لو وقعات ليها شي حاجا هي و لجنين لا قدر لله هاا ...
شرف شد على قبضة يدو و داز للداخل مخليها وراه ... كتبكي ... كيفكر فهضرتها ... كلها معقولة ... ماعارفش شنو نتابو ديك ساعة لكن علاش خبات عليه ... هو كان خايف عليها و بزاف ... خايف لو وقعات ليها شي حاجا بسبابهم ... كان ايحماق ...
دخل لشومبر ... لقاها فوق السرير و سيروم معلق فيديها ... كتنفس بانتظام و عينيها مسدودين ...
كلس على جنب و هو كيشوف فهاد لوردة لي كتذبل نهار على نهار ... كيحماق عليها ... كيموت على تراب لي كتمشى عليه ...
شد فيديها و باسها ... و بقا كيقبل فعويناتها ... حنيكاتها ... نيفها ... فمها ... شعرها ... يديها ...
كيتنهد بعياء ... سمحيليا اجنات سمحيليا ...
باس على كرشها .. ممم ولدي سمحليا اولدي ... فنيكيش د باباه ...
حلات عويناتها و شافت فيه بعينين ذبلانين ... دموع على طرف خدها ... نطقات و هي كاتمة شهقاتها ... بصوت باكي ... شرف اهى ...
نرجعو لعند نسرين ... لي مانت فطنوبيب صاقلة و حداها علاء كيصوك بيد وحدة و يد خدام بيها كيلعب فتيليفونو ... و مخنزر فيها ...
طلعات ليها لقردة لراسها ... و نترات ديك سمطة ... وازمر وقف طنوبيل حل زمر حل اوفف را طلعتيلي فوق راسي ...
علاء شد فدراعها بيد وحدة ... نطلع فوق دينمك لا....
نسرين ... هي حدك تما ... لهلا يقلل حياك ...
على اثر هاد لكلمة ... علاء فقد توازونو ... غافل على لكاميو لي كان قدامو ... نسرين كتغوت و علاء كيحاول يتحكم فلفرامل ...
فقد توازونو و دار على جنب ... حتا تسمعات باااق ...
_________________________يتبع
أنت تقرأ
كفاني قهرا
Roman d'amour🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
