#كفاني_قهرا 🔞
لا أحلل النشر دون ذكر اسم الكاتبة ❎
البارت 100 :
عند علاء و نسرين ... كانو فلكوزينة كتعقم ليه جرحة ....
مرة مرة كتخنزر فيه .... طلات على برا بنص عين مني سمعات غوات ليلى ... علاء شاد فقبضة يدو مامستحملش ...
نسرين ... سالات .... هاااك هاجرحة تنقات...
خنزرات فيه و تمات غادا ... قبطها من معصمها بقوة و رجعها عندو ....
علاء بلغوات... علاش كتشوفي فيا هكا هممم...
نسرين تنترات منو و تعلات عندو ... نتااا ماشي راجل حيت شاركتي مع مك فهاد لمهزلة كان عليك تحد هادشي ... تخيل لو ماتت ختي و ولدها هااا شنو كنا غانديرو ... بسبابك نتا و مك عماكم طمع ....
علاء بقا فقط صاقل و كيسمع لهضرتها ... بغات تمشي و دفعاتو مرة اخرى الا انه قربها منو تا مابقات فاصلاهم غي سنتيمات قلال ...
كيدوي و تفاحة ادم كاطلع و تهبط فحنجرتو ...
كيسرط ريقو و كيجمع كلماتو .... تيقيني عفلك صدقيييني ... انا مادرتش هادشي ... ماكاينش لي غايتيقيني اه كان طمع عامي ليا عينيا لكن ماعمري نفكر نآذي بيبي ولا نقتل شي روح ...
نسرين طلعاتو و هبطاتو باحتقار .... واخا ماتكونش هكا غاتبقا طماع فنظر لكل طماع ... و فقط ...
علاء بلغوات ... تيقيني عفااااك واش كتكرهيني لهاد درجة هااا ... دوي ( كيحرك فكتافها و جرحة تحلات ليه )
نسرين ... ماشي كنكرهك لكنك احقر انسان عرفتو فحياتي لدرجة باغين تقتلو انسان بريء دوي و ختي جنات شنو دارتليكم هاا شنوووو.... طول حياتها و هي فلعذاب و دبا باغين تزيدو عليها ... يالمجرم لقتال ...
علاء ماحسش براسو حتا نقض على فمها ... شادها من عنقها كيبوس فيها ... و هي كتنتر منو ...
نترات منو و مسحات فمها بزعفة ....
جمعات يديها تالفوق و صرفقاتو ....
نسرين و دموع فعينيها .... اخر مرة تقرب مني اخر مرة كانكرهك ... لا نتا لا فعايلك يخخ
علاء حك على شعرو بعصبية .... اوووو شيت شهاد زهر تفووو ...
نسرين نزلات لتحت كتبكي ... شافت جنات و السعدية غايركبو فسيارة مع ليكارد و سي علي ...
و لالة غيثة و كورسا و سعيد فطنوبيلة خرا ... ركبات معاهم و هي كتشوف فعلاء بشوفات قتيلة ...
ركب بدورو سيارتو و تبعهم للمستشفى....
عند شرف لي كان فلمستشفى كيمشي و يجي .... خرج طبيب ... سي ناجي لاب ديالك لحمدلله ماعندو والو ... جاتو كريز فلقلب... لكن قدر يتجاوز هادشي ... و من الاحسن يبعد على لمشاكيل ...
شرف تخطاه و دخل عندو شد فيديه قبلهم ... و دموع فعينيه ... لواليد عارف نتا لي عندي من بعد لواليدا ... لاش كتعصب راسك هااا
كيدوي مبرد عكس نار لي شاعلة فقلبو ... كانو ايقتلو ولدو ... كبدتو كتشوا ...
لحاج كيبكي ... اه كيبكي على ولدو ... على حفيدو ... ولدي اهى سمحليا اولدي دخلت لفعة بيناتنا سمحليا ... علاء ماليه ذنب ماليه ذنب اولدي .... هذاك خوك ... مو هي كلشي ... ولدي خليهم منهم لله ... خليهم القانون غاياخد حقك و حق مراتك و ولدك ...
شرف باس ليه يديه ... كون هاني لوالييييد انا معاك ... كون هاني ... تاحد ماغايقرب من عاءلتي ... تاحد .... اه اه خويا ... انا مدين ليه بحياتي .... كانت مراتي و ولدي ايموتو ...
لحاج قاطعو بهمس ... شوووت متقولش هكا برا و لباس عليهم ... مزال نشوف حفادي ... و حفايد حفايدي ...
شرف ضحكاتو هضرتو ... هههه راك مزال سبع لحاج ... ( غمزو ) ...
لحاج ... هههه ( كيضحك بزز منو ) ....
شرف بجدية اكثر ... لواليد طهلا فصحتك عفاك ....
________________________________يتبع
أنت تقرأ
كفاني قهرا
Romance🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
