كفاني قهرا

البارت 10 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 🔟 :
كالسة نويورة تاعنا فصالون صغير وسط دار متيول بفراشي و زرابي كباار و مخادي مطرزين داكشي  بلدي مية بلمية
وسط صوت الغوات و شطيح و الهاراج د البنيتات و العيالات كايغنيو و يطبلو
كانت لابسة قفيطين فشيبي مع فولار فلكراميل و مهبطة راسها الأرض و دموعها هابطين بغرازة و رموشها فازكين كاتمة شهقاتها بزز ، ماكرهاتش تغوت بصووووت  عااالي : وااااااماااابغيتش
مي للقدر رأي آخور
" لو نطق القلب ، لقال كفاني قهرا " 🔞 ( كيما ذكرت فالبارت الأول )
دازت شي ساعتين و هي باقا على نفس لحال وسط لهاراج و صداع ناس فرحانين و هي مافرحاناش براسها ولا غاتفرح بهاد زواج تديبرو عام و هوما دبروه بين ليلة و نهار
لالة ثورية واقفة من صباح حدا لباب د صالون ماقدراتش تشوف كبدتها غاتزوج و بيمن بحمد و مستقبلها من تما لترحمو
و اخيرا دخلات و كلسات حداها و بعيون ذبلانين شافت فيها جنات و عنقاتها كاتنخصص فيها و تبوس و تعاود
لالة ثورية : نويورة تاعي لحبيبة اجي عندي ( حلات ليها يديها تعنقها )
جنات ( ستاغلاتها تقول عام ماشفتها ) اهى اهى ماما غانتوحشك بزااااف و سمحيلي لادرت شي حاجا ماعجباتكش
لالة ثورية : تانا احبيبتي وراك غادا غي حدايا نبقا نجي نشوفك فدار راجلك كل نهار هههه انويورة ( كاتصبر راسها بززباش ماطيحش دموعها )
جنات : مااا انا والله مابغيتش هاد زواج عفاك عتقيني اما بغيت نقرا اهى
لالة ثورية ( ماعندها ماتقول ) : سكتي ابنتي سكتي لايسمعك باك ولا شي حد رضي ابنتي بمكتوبك ماتعرفي يصدق حمد ولد ناس و يطهلا فيك رضي ابنتي انويورة تاعي
جنات ( نثرات منها و دارت لجيهة لوخرى كاتنخصص )
ناضت لالة ثورية من حداها و جات السعدية كلسات جنبها
السعدية : سعدي و فرحي بنويورة غاتزوج وافرحي شوية صافي لي وقع وقع
جنات ( ميقات فيها بنص عين ) : اهااا اصلا هادشي لي كلكم باغينو و تانا غانرضا بمكتوبي ماغانخالفش كلام با
السعدية ( فرحات حيت و اخيرا غاترطاب باش متجيبهاش فعظيماتها ) : هكا نبغيك انويورة الخير فيما اختاره الله
جنات ( ملات ) : عفاك اختي السعدية واخا طلعيني نرتاح شوية را مليت والله مابقيت قادة ياك غدا انمشي مع راجلي ايوا خليوني نرتاح شوية و بلا مايفيقني حد واخا
السعدية : واخا ابنيتي
طلعاتها السعدية و العياات بزغاريت و تطبال وصلى و سلاااام على رسو ل الله
دخلات جنات لبيتها و هي تحيد داك لقفيطين بنترة و لبسات كسيوة حمرة طويلة مع شال كحل و سبرديلة كحلة
بقات هكاك حتا سمعات لعيالات رجعو لبلايصهوم كايطبلو يعاودو كانت ديك ساعات جوج د صباح
ناضت جبدات شي وراق جطاتهم فواحد الصاك صغيور مع واحد لادريسا و  لحوايج و دوك دبالج لي لبوسهوم ليها و واحد لبيل صغير
و دارت فبلاصة نعاسها مخادي كايبينو بلي هي لي ناعسة
جنات شافت فبيتها باشتياق : غانتوحشك ابيتي و قطيطتي ، كتوبتي ااااه و ماعمري نسمح لي كان حيلة و سباب
ناضت لاحت ساكها فلارض بعدما سافت بلي تاحد ماكان حدا لواد حيت شرجم مقابلة مع لواد نيشان
نزلات كاتسلت بشوية عليها دارت صاكها فظهرها و بقات غادا مع لحيط تاوصلات لواد و هي تقطع فداك ليل   و هازة داك لبيل مضوية بيه طريق
دخلات لغابة لي مورا لواد كاتجري و تقول ماجريييت
شوية و هي تسمع تخرشيش ديال شي حاجا و
هي تخلع و طيحات لبيل بلخلعة و بقات صاقلة
شوية و هو يتحبس تخرشيش شدات لبيل و خباتو و غادا غي فضو لقمرة تجري بجهد و كاتفادا دير صوت
و كاتمة شهقاتها و دايرا يديها على فمها حيت تخلعات بحكم عمرها خرجات فهاد لوقت ولا دخلات لهاد لغابة لي كيعاودو عليها خايبة لوهلة بغات ترجع و رجعات جوح خطوات لور قالت يمكن يتفهموني و يمكن هادشي ماشي مزيان لهروب ماشي هو لحل و لكن غي تفكرات بلي غدا اتكون مع شي راجل ماكاتعرفو ماكايعرفها و فنفس لفراش و غايغصبها فحياتها
تشجعات و كملات طريقها و بقات تجري تاوصلات لشانطي