🔥 حصـــــــــــــريـــــــــــــــا 🔥
على فاتنات مجرة الروح 💖
لا أحلل النشر دون طلب الإذن مني .... ❌
ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞
جيت ليكم قصة جديدة تحمل في طياتها من كل فن طرب...
جنات ... اهى هى لا لا عفاك صافي ( مسحات دموعها ) ...
شرف ... احح ناكلك انا
طلبات منو يوقف و شرا لورد و ما زهر .... و لما ... وصلو للروضة ... " مقبرة الأخيار "
نزلات و قلبها كيضرب فستين ... شد فيديها مزير عليها و توجهو كيقلبو على قبر لالة ثورية ...
شافتو من بعيد و توجهات للقبر .... نزلات على ركابيها و بقات كتدمع ... اهى هى ماما توحشتك اماما خليتي بلاصتك ... توحشتك ياك كنتي كتقوليلي ... اتعيشي بيخير ان شاء الله ياك كنتي كتقوليلي صبري دبا يفاجيها ربي اهى ماما توحشت ريحتك ....
شرف تحنا لعندها معنقها ... و هي كتخوي لما على قبرها ... و لفقيه كيقرا فلقرآن و يجود ... هادشي مناش كيعيش مسكين ...
سالا و ناضت جنات بعدما هزات شوية د طين لي فوق قبر ماماها ... فيديها كتشمو ... شرف خلص لفقيه لي فرحان ... كونو اول مرة يشد هاد لمبلغ ...
باس على راسها و عنقها بيد وحدة ...قطيطتي طيبتي هاد لعوينات ...
جنات تخشات فحضنو ... كنبغيك اشرف ... كنبغيك حتي كنتي ليا سند و راجل لي كنتمناه ... كنبغيك ...
شرف ... كنحماق عليك انا ... كنموت فيك ...
ركبو سيارتهم و توجهو للفيرمة .... نزلو منها و لقاو ... لبقية كالسين فجريدة ... فوق زربية و قدامهم طبيلة صغيرة عامرة حلاوي مغربية ...
لقايد علي كيعمر اتاي و كيضحك هو و لحاج ...عبوش و سعيد فوق لبير ... كيضحكو بصوت عالي ... إكرام و يونس كيدويو غي من لتحت لتحت و لالة غيثة شادة معاهم لحديث ....
فالسجن المحلي ...
نزل علاء من سيارتو و نزلات نسرين ... كتدور عينيها فالسجن ... تحلو لبيبان و دخلو بعدما تقلبو مزيان ... حطو الأغراض لي جايبين لمدام ليلى ...
دخل علاء لقاعة الانتظار و نسرين حداه شادة فيديه كتواسيه ... كتقولو بلي انا معاك رغم كلشي .... كانت لقاعة عامرة صداع ... هالي كتعنق فواليديها ... هالي كتبكي .... هالي جا راجلها ... هالي ولادها ...
تحل لباب دلداخل و دخلو بزاف دلعيالات مسجونات ... كانت موراهم ليلى لي نحافت و زاد تحت عينيها دبلان .... شافت فعلاء بصدمة و طارت لعندو ... ولدي اهى هى ولدي نتا نتا هذا ...
علاء بادلها لعناق.... كيبكي بدورو ... فراق الام صعيييب بزاف هي حداه ولكن بعيدة عليه ... كلسو معانقين و هي مرة مرة تشم ريحتو فرحانة .... سولاتو بعينيها شكون ديك لبنت ...
علاء شد فيد نسرين ... لواليدة هاذي مرتي نسرين ....
ليلى : ولدي انا ندمانة بزااف ... عرفت غلطتي ...كندعي لله اسامحني ليل و نهار ...
علاء ... لواليدة خويا و مراتو مسامحينك و سيدي ربي اكيد ايسامحك.... لله اخليك ليا كي كيعاملوك مزيان ...ياك مامحتاجا شي حاجا ...
ليلى ... لحمدلله اولدي لعيالات هنا مزيانين ... لله اكثر خيرك اولدي ...
بقاو معانقين حتا سالات الزيارة .... عنق مو ماقادش على فراقها و دموع على طرف عينيهم ... نسرين ماقدراتش تصبر و عنقاتها كتبكي ...
توجهو لبرا و نطالقو نحو لمجهول ...
" بلسان جنات "
ديما كنعيشو كتلة من الآلام ... كنعيشو كتلة من المشاكل ... لي مالينا ذنب فيهم ... عشنا و تعايشنا و مزال كنعيشو ... فقدنا ثقة فنفوسنا ... بكينا ... غوتنا ... قضينا على تفكيرنا ... لكن صبرنا مزالو فمحلو ... حتا يفرجها سيدي ربي ....
" لو نطق القلب لقال كفاني قهرا "
النـــــــــهــــــــايــــــــــــة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
